КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2025-жылдын 18-декабры № 812

Кыргыз Республикасынын Финансы министрлигинин жана республикалык маанидеги шаарлардын мэрияларынын ишин жөнгө салуучу Кыргыз Республикасынын Министрлер Кабинетинин айрым токтомдоруна өзгөртүүлөрдү киргизүү жөнүндө

Кыргыз Республикасынын Финансы министрлигинин ишинин натыйжалуулугун жогорулатуу жана республикалык маанидеги шаарлардын мэрияларынын ишин уюштуруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2021-жылдын 15-ноябрындагы № 253 "Кыргыз Республикасынын Финансы министрлигинин маселелери жөнүндө" токтомуна төмөнкүдөй өзгөртүүлөр киргизилсин:

1) жогоруда аталган токтом менен бекитилген Кыргыз Республикасынын Финансы министрлиги жөнүндө жободо:

- 17-пунктта:

12-пунктча төмөнкүдөй редакцияда баяндалсын:

"12) төмөнкүлөрдү кызмат ордуна дайындайт жана кызмат ордунан бошотот:

- борбордук аппараттын кызматкерлерин;

- региондор аралык башкармалыктардын жетекчилерин жана кызматкерлерин;

- аймактык бөлүмдөрдүн жетекчилеринин орун басарларын жана кызматкерлерин;

- ведомстволук бөлүмдөрдүн жетекчилеринин орун басарларын;";

төмөнкүдөй мазмундагы 12¹-пунктча менен толукталсын:

"12¹) Кыргыз Республикасынын мыйзамдарына ылайык сыйлоо жана тартиптик жаза чараларын колдонот;";

13-пунктчадагы "жана фонд" деген сөздөр алып салынсын;

2) жогоруда аталган токтом менен бекитилген Кыргыз Республикасынын Финансы министрлигинин башкаруу схемасы ушул токтомдун 1-тиркемесине ылайык редакцияда баяндалсын.

2. Кыргыз Республикасынын Министрлер Кабинетинин 2021-жылдын 15-ноябрындагы № 264 "Кыргыз Республикасынын аткаруу бийлигинин мамлекеттик органдарынын жана Кыргыз Республикасынын башка мамлекеттик органдарынын, анын ичинде техникалык жана тейлөөчү персоналынын штаттык санынын чеги жөнүндө" токтомуна төмөнкүдөй өзгөртүү киргизилсин:

жогоруда аталган токтомдун 1-тиркемесинде:

- 3-пункт төмөнкүдөй редакцияда баяндалсын:

"

".

4. Кыргыз Республикасынын Министрлер Кабинетинин 2025-жылдын 16-июлундагы № 419 "Республикалык маанидеги шаарлардын мэрияларынын типтүү түзүмүн, штаттык санынын чегин, штаттык расписаниесинин формасын бекитүү жөнүндө" токтомуна төмөнкүдөй өзгөртүү киргизилсин:

- жогоруда аталган токтомдун 2-тиркемеси ушул токтомдун 3-тиркемесине ылайык редакцияда баяндалсын.

5. Республикалык маанидеги шаарлардын мэрияларына финансылык башкармалыктарды түзүү сунушталсын.

6. Кыргыз Республикасынын Финансы министрлиги белгиленген тартипте:

1) республикалык маанидеги шаарлардын мэриялары менен биргеликте:

- финансылык, материалдык-техникалык каражаттарды андан ары пайдаланууга, Кыргыз Республикасынын Финансы министрлигинин аймактык бөлүмдөрүн кайра уюштуруу жана жоюу боюнча иштерди жүргүзүүгө байланышкан маселелерди чечүү үчүн комиссияларды түзсүн;

- штаттык бирдиктерди өткөрүп берүүдө ушул токтом күчүнө кирген датага карата тиешелүү кызмат орундарын ээлеген кызматкерлер мамлекеттик жана муниципалдык кызматтын тиешелүү түрлөрүндө иштөө өзгөчөлүктөрүн сактоону эске алуу менен, өткөрүп берилген функцияларды аткаруу үчүн которулууга тийиш экендигин эске алсын;

- Кыргыз Республикасынын мыйзамдарына ылайык бошотулган кызматкерлерди ишке орноштуруу боюнча чараларды көрсүн;

- ушул токтомдон келип чыгуучу башка чараларды көрсүн;

2) "Кыргыз Республикасынын 2025-жылга жана 2026-2027-жылдардын пландык мезгилине республикалык бюджети жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоорун кароодо ушул токтомдон келип чыгуучу өзгөртүүлөр жөнүндө Кыргыз Республикасынын Жогорку Кеңешине маалымат берсин.

7. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

8. Бул токтом расмий жарыяланган күндөн тартып жети күн өткөндөн кийин күчүнө кирет.

“Эркин-Тоо” мамлекеттик расмий гезитинин 2025-жылдын 19-декабрындагы № 100 (3757) саны менен жарыяланды.

"Кыргыз Республикасынын Финансы министрлигинин БАШКАРУУ СХЕМАСЫ

".

Республикалык маанидеги шаарлардын шаардык кеңештеринин ШТАТТЫК САНЫНЫН ЧЕГИ

".

Республикалык маанидеги шаарлардын мэрияларынын ШТАТТЫК САНЫНЫН ЧЕГИ

".