ӨЗГӨН ШААРДЫК КЕҢЕШИ

ТОКТОМ

Өзгөн шаардык кеңешинин (VII чакырылышынын) кезектеги XXXV сессиясы

2024-жылдын 26-июну № 35/7

Өзгөн районунун өнүктүрүү фондунун эсебинен акча каражатын алууга макулдук берүү жөнүндө

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамынын 27-беренесине ылайык Өзгөн шаардык кеңешинин (VII чакырылышынын) «Бюджет, салык, финансы, экономика жана инвестицияларды тартуу боюнча» туруктуу комиссиясынын 2024-жылдын 24-июнундагы отурумунун №4 протоколунун жана Өзгөн шаардык мэриясынын 2024-жылдын 21-июнундагы № 01-9/703 катынын негизинде күн тартибине киргизилген маселени угуп жана талкуулап, Өзгөн шаардык кеңеши

ТОКТОМ КЫЛАТ:

1. Өзгөн шаарындагы Айчүрөк кинотеатрын капиталдык ремонттоого Өзгөн райондук өнүктүрүү фондунан 10 000,0 миң сом акча каражатын алууга макулдук берилсин.

2. Алынган акча каражатын мыйзамдуу пайдалануу жагы Өзгөн шаардык мэриясына тапшырылсын.

3. Токтомдун аткарылышын көзөмөлдөө жагы «Бюджет, салык, финансы, экономика жана инвестицияларды тартуу боюнча» туруктуу комиссиясына тапшырылсын.