САРЫ-ӨЗӨН АЙЫЛДЫК КЕҢЕШИНИН

ТОКТОМУ

2025-жыл 21-апрели № 01-7/37

Жер тилкесинин максаттык багытын өзгөртүү жөнүндө

(Сары-Өзөн айылдык кеңешинин 2025-жылдын 11-декабрындагы № 01-7/100 токтомунун редакциясына ылайык)

Сары-Өзөн айылдык кеңешинин агрардык саясат, суу ресурстары жана экология маселелери боюнча туруктуу комиссиянын төрагасы Н.Сарбагышованын Сокулук айылынын Краснодарская көчөсү №62 дарегинде жайгашкан З.Рамановага таандык жеке менчик, жалпы аянты 3,054 га жер тилкесинин, максаттык багытын “мал базар алдындагы жер тилкеси” багытынан “өнөр жай, транспорт, байланыш, энергетика коргоо жана башка” багытына өзгөртүүгө макулдук берүүнү суранган арызынын негизинде маалыматын угуп жана талкуулап, Кыргыз Республикасынын Жер Кодексинин 12-беренесине ылайык, Сары-Өзөн айылдык кеңешинин кезектеги сессиясы

ТОКТОМ КЫЛАТ:

1. Сокулук айылынын Краснодарская көчөсү №62 дарегинде жайгашкан З.Рамановага таандык жеке менчик жер тилкесинде жашоочуларды иче турган таза суу менен камсыз кылуучу суу мунарасы жайгашкандыктан, Сары-Өзөн айыл өкмөтүнө караштуу “Таза Айыл” муниципалдык ишканасы жер ээси З.Раманова менен суу мунарасынан таза суу менен камсыз болгон калкты тейлөө максатында, иштин зарылчылыгына жараша суткасына 24 саат бою кирүүгө мүмкүнчүлүк алуу келишими түзүлсүн.

Сокулук айылынын Краснодарская көчөсү №62 дарегинде жайгашкан З.Рамановага таандык жеке менчик жер тилкесинде жашоочуларды иче турган таза суу менен камсыз кылуучу суу мунарасы жайгашкандыктан, Сары-Өзөн айыл өкмөтүнө караштуу “Таза-Айыл” муниципалдык ишканасы жер ээси З.Раманова менен суу мунарасынан мамлекетке таандык мектепке чейинки билим берүү (бала-бакча), мектеп жана калкты таза суу менен камсыз кылуу максатында убактылуу пайдалануу келишими түзүлсүн;

(Сары-Өзөн айылдык кеңешинин 2025-жылдын 11-декабрындагы № 01-7/100 токтомунун редакциясына ылайык)

2. Ушул токтомдун 1-пунктун аткаруу шарты менен, Сокулук айылынын Краснодарская көчөсү №62 дарегинде жайгашкан З.Рамановага таандык жеке менчик, жалпы аянты 3,054 га жер тилкесинин максаттуу пайдалануу багытын “Мал базар алдындагы жер” багытынан “Айыл чарбалык өндүрүш имараттар, жайлар жана курулмалар (жер жемиш сактоочу кампа) жер тилкесине” багытына өзгөртүүгө макулдук берилсин.

(Сары-Өзөн айылдык кеңешинин 2025-жылдын 11-декабрындагы № 01-7/100 токтомунун редакциясына ылайык)

3. Сары-Өзөн айыл өкмөтүнүн башчысы Т.Бектемиров ушул токтомдун негизинде буйрук чыгарсын.

4. Бул токтом каттоого алынып, Кыргыз Республикасынын Юстиция Министрлигине Кыргыз Республикасынын ченемдик укуктук актыларынын мамлекеттик реестрине киргизүү үчүн жөнөтүлсүн.

5. Бул токтомдун аткарылышын көзөмөлгө алуу айылдык кеңештин жер маселелери боюнча туруктуу комиссиясынын төрагасы Н.Сарбагышовага жүктөлсүн.