ҮЧ-ТЕРЕК АЙЫЛДЫК КЕҢЕШИ

ТОКТОМ

Үч-Терек айылдык кеңешинин IX чакырылышынын кезектеги VIII сессиясы

  2025-жылдын 1-апрелиндеги №29

«Кызыл-Ураан айылынын Арал участогундагы №2922 контурдагы 1,50 га жайыт жер аянтынын багытын, бак өстүрүү үчүн өзгөртүүгө (трансформацияга) макулдук берүү жөнүндө»

Кызыл-Ураан айылынын Арал участогундагы №2922 контурдагы 1,50 га жайыт жер аянтына муниципалдык бак өстүрүү үчүн багытын өзгөртүүгө макулдук берүү жөнүндөгү айыл өкмөттүн жер маселелери боюнча башкы адиси М.Келгенбаевдин сунушун угуп жана талкуулап, Кыргыз Республикасынын 2013-жылдын 15-июлундагы № 145 «Жер участокторун которуу (трансформациялоо) жөнүндө» мыйзамын жана Кыргыз Республикасынын «Жер кодексинин»18-беренесин жетекчиликке алып, Үч-Терек айылдык кеңешинин IX чакырылышынын кезектеги VIII сессиясы

ТОКТОМ  КЫЛАТ:

1. Кызыл-Ураан айылынын Арал участогундагы №2922 контурдагы 1,50 га жайыт жер аянтынын багытын, муниципалдык бак өстүрүү үчүн өзгөртүүгө (трансформациялоого) макулдук берилсин жана мыйзам талаптарына ылайык, Токтогул райондук мамлекеттик администрациясына жөнөтүлсүн.

2. Аталган жер аянтынын багытын өзгөртүү боюнча мыйзамда белгиленген тиешелүү иш кагаздарын даярдоо жагы айыл өкмөт башчысына жана жер маселелери боюнча башкы адис М.Келгенбаевке милдеттендирилсин.

3. Бул токтомдун аткарылышын көзөмөлдөө жагы айылдык кеңештин Бюджет, экономика, муниципалдык менчик, айыл чарбасы, инвестиция, ишкердик иш жана тышкы экономикалык байланыш боюнча туруктуу комиссиясынын төрагасына жүктөлсүн.

4. Бул токтомду мыйзамда каралган тартипте каттоого алуу жана Үч-Терек айылдык кеңешинин веб сайтына жайгаштыруу жагы, жооптуу катчы Ч.Үметалиевага милдеттендирилсин.

       5. Токтом мамлекеттик тилде гана кабыл алынды.