Кыргыз Республикасынын Министрлер Кабинетинин 2025-жылдын 12-майындагы № 248 «Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттиктин алдындагы «Кыргыз мунай компаниясы» мамлекеттик ишканасын түзүү жөнүндө» токтомуна өзгөртүүлөрдү киргизүү тууралуу

Башкаруунун натыйжалуулугун жана чечимдерди кабыл алуунун оперативдүүлүгүн жогорулатуу, Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттиктин алдындагы «Кыргыз мунай компаниясы» мамлекеттик ишканасынын туруктуу иштөөсүн камсыз кылуу максатында, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2025-жылдын 12-майындагы № 248 «Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттиктин алдындагы «Кыргыз мунай компаниясы» мамлекеттик ишканасын түзүү жөнүндө» токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттиктин алдындагы «Кыргыз мунай компаниясы» мамлекеттик ишканасынын уставында:

– 27-пункттун 11-пунктчасында «орун басарынын» деген сөздөр «орун басарларынын» деген сөздөргө алмаштырылсын;

– 29-пункт төмөнкүдөй редакцияда баяндалсын:

«29. Ишканада Ишкананын директорунун эки орун басарынын кызмат орду каралган.

Ишкананын директорунун орун басарлары Ишкананын директорунун сунушу боюнча Маммүлктүн жетекчиси тарабынан кызмат ордуна дайындалат жана кызмат ордунан бошотулат.

Ишкананын директорунун орун басарлары Маммүлктүн жетекчиси менен эмгек келишимин түзөт.

Ишкананын директорунун орун басарлары түздөн-түз директорго баш иет жана аларга жүктөлгөн милдеттердин жана ыйгарым укуктардын чегинде Ишкананын ишин уюштурат.»;

– 30-пункттун экинчи абзацында «орун басарына» деген сөздөр «орун басарларынын бирине» деген сөздөргө алмаштырылсын;

– 31-пункт күчүн жоготту деп таанылсын.

2. Бул токтом расмий жарыяланган күндөн тартып он күн өткөндөн кийин күчүнө кирет.