БҮРГӨНДҮ-ДОСТУК АЙЫЛДЫК КЕҢЕШИ

ТОКТОМ

Бүргөндү-Достук айылдык кеңешинин I чакырылышынын кезексиз 6-сессиясы

  2025-жылдын 25-мартындагы №3

«Аудиттин жыйынтыгы боюнча отчетту жана жазма буйрукту кароо»

Кыргыз Республикасынын Эсептөө палатасынын Ош шаары, Ош, Жалал-Абад жана Баткен областтары боюнча аймактык бөлүмүнүн 2025-жылдын 5-мартындагы №2-01-8/46 каты менен таанышып чыгып, Бүргөндү-Достук айылдык кеңешинин I чакырылышынын кезексиз 6-сессиясы күн тартибинде меселени угуп жана талкуулап Бүргөндү-Достук айылдык кеңеши

ТОКТОМ  КЫЛАТ:

1 .Социалдык экономикалык бөлүмүнүн башчысы Н.Абдышовдун берген маалыматы эске алынсын.

2. Кыргыз Республикасынын Эсептөө палатасынын Ош шаары, Ош, Жалал-Абад жана Баткен областтары боюнча аймактык бөлүмү, Жалал-Абад облустунун Ноокен районунун ”Бүргөндү-Достук” (мурунку Бүргөндү жана Достук) айыл өкмөтүнүн 2023жылдын 1-январынан тартып 2024-жылдын 1-апрелине чейинки мезгил аралыгындагы бюджеттин түзүлүшүнө жана аткарылышына жүргүзүлгөн шайкештик аудиттин жыйынтыгы боюнча жазма буйрукта көрсөтүлгөн кошуп жазууларга жана ашыкча төлөөлөргө мындан ары жол берилбесин.

3.Бүргөндү-Достук айыл өкмөтүнүн утурумдук жана капиталдык оңдоо, курулуш-куруу иштерине сарпталган бюджеттик жана башка каражаттарын өздөштүрүүдө негизсиз төлөмдөргө жана мыйзам бузууларга жол бербөө айыл өкмөтүнө милдеттендирилсин.

4. Токтомдун акткарылышын камсыз кылуу жагы айыл өкмөтүнүн башчысы Б.К.Календеровго жүктөлсүн.