САРЫ-ӨЗӨН АЙЫЛДЫК КЕҢЕШИНИН

ТОКТОМУ

2025-жылдын 15-январы № 01-7/07

Эмгек акыга кошумча төлөмдөр жөнүндө

Кыргыз Республикасынын Президентинин 2022-жылдын 1-августундагы №266 «Кыргыз Республикасынын мамлекеттик жарандык кызматчыларынын жана муниципалдык кызматчыларынын эмгек акысын төлөө шарттары жөнүндө» Указына, Кыргыз Республикасынын Министрлер Кабинетинин 2022-жылдын 1-августундагы №433 «Кыргыз Республикасынын мамлекеттик органдарын жана жергиликтүү өз алдынча башкаруу органдарын тейлөөчү кызматкерлердин эмгек акысын төлөө шарттары жөнүндө» токтомуна, ошондой эле Кыргыз Республикасынын Министрлер Кабинетинин 2024-жылдын 7-февралындагы №52 «Кыргыз Республикасында административдик-аймактык реформаны пилоттук тартипте жүргүзүү мезгилинде жергиликтүү өз алдынча башкаруунун аткаруу органдарынын ишин уюштуруу жөнүндө» токтомуна ылайык, Сары-Өзөн айылдык кеңешинин кезектеги сессиясы

ТОКТОМ КЫЛАТ:

1. Кыргыз Республикасынын Президентинин 2022-жылдын 1-августундагы №266 Указынын 4-пунктуна ылайык муниципалдык кызматчылардын эмгек акысына кошумча төлөмдөрдү 1-тиркемеге ылайык бекитсин.

2. Кыргыз Республикасынын Министрлер Кабинетинин 2022-жылдын 1-августундагы №433 токтомунун 4-пунктуна ылайык техникалык жана тейлөөчү персоналдын (ТТП) эмгек акысына кошумча төлөмдөрдү 2-тиркемеге ылайык бекитсин.

3. Кыргыз Республикасынын Эмгек кодексине ылайык келишим негизинде иштеген кызматкерлердин эмгек акысына кошумча төлөмдөрдү 3-тиркемеге ылайык бекитсин.

4. Кыргыз Республикасынын Эмгек кодексине ылайык Үй-бүлөгө жана балдарга көмөк көрсөтүү борборунун кызматкерлеринин эмгек акысына кошумча төлөмдөрдү 4-тиркемеге ылайык бекитсин.

5. Бул токтомдун аткарылышына көзөмөл жүргүзүү айыл өкмөтүнүн башчысы жана бюджеттик-пландоо комиссиянын төрагасына жүктөлсүн.