КЫРГЫЗ РЕСПУБЛИКАСЫНЫН ЖАРАТАЛЫШ РЕСУРСТАРЫ, ЭКОЛОГИЯ ЖАНА ТЕХНИКАЛЫК КӨЗӨМӨЛ МИНИСТРЛИГИНИН БУЙРУГУ

2026-жылдын 6-марты № 01-01/79

Кыргыз Республикасында жер казынасын пайдаланууда бузулган жерлерди рекультивациялоо долбоорун түзүү боюнча Методикалык көрсөтмөнү бекитүү жөнүндө

Кыргыз Республикасынын Өкмөтүнүн 2017-жылдын 18-августундагы № 517 токтому менен бекитилген «Жер казынасын пайдалануу процессинде бузулган жерлерди рекультивациялоо жөнүндө жобону» ишке ашыруу максатында, «Кыргыз Республикасынын нормативдик укуктук актылары жөнүндө» Кыргыз Республикасынын Мыйзамына ылайык, Кыргыз Республикасынын Министрлер Кабинетинин 2023-жылдын 3-мартындагы № 115 «Кыргыз Республикасынын Министрлер Кабинетинин айрым ченем жаратуу ыйгарым укуктарын мамлекеттик органдарга жана жергиликтүү өз алдынча башкаруунун аткаруу органдарына өткөрүп берүү жөнүндө» токтомун, ошондой эле Кыргыз Республикасынын Министрлер Кабинетинин 2021-жылдын 15-ноябрындагы № 263 «Кыргыз Республикасынын Жаратылыш ресурстары, экология жана техникалык көзөмөл министрлигинин маселелери жөнүндө» токтому менен бекитилген Кыргыз Республикасынын Жаратылыш ресурстары, экология жана техникалык көзөмөл министрлиги жөнүндө жобонун 15-пунктун жетекчиликке алып, буйрук кылам:

1. Кыргыз Республикасында жер казынасын пайдаланууда бузулган жерлерди рекультивациялоо долбоорун түзүү боюнча Методикалык көрсөтмө бекитилсин.

2. Мамлекеттик экологиялык экспертиза башкармалыгына:

- Кыргыз Республикасынын Өкмөтүнүн 2010-жылдын 26-февралындагы № 117 «Кыргыз Республикасынын нормативдик укуктук актыларын расмий жарыялоо булактары жөнүндө» токтомуна ылайык ушул буйрукту расмий жарыялоону камсыз кылуу боюнча чаралар көрүлсүн;

- расмий жарыяланган күндөн тартып жети жумуш күндүн ичинде ушул буйруктун мамлекеттик жана расмий тилдердеги эки нускасын, кагаз жана электрондук түрдө, жарыяланган булагы көрсөтүлүп, Кыргыз Республикасынын нормативдик укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтүлсүн;

- ушул буйрук күчүнө кирген күндөн тартып үч жумуш күндүн ичинде маалымат үчүн Кыргыз Республикасынын Президентинин Администрациясына жөнөтүлсүн.

3. Ушул буйрук расмий жарыяланган күндөн тартып 15 күн өткөндөн кийин күчүнө кирет.

4. Буйруктун аткарылышын контролдоо Жаратылыш ресурстары, экология жана техникалык көзөмөл министринин орун басары А.К.Раимкуловага жүктөлсүн.