БАТКЕН ШААРДЫК КЕҢЕШИНИН

ТОКТОМУ

Баткен шаардык кеңешинин VII чакырылышынын кезектеги XIX сессиясынын

2023-жылдын 24-августундагы № 50

Баткен шаарынын Базар-Башы АТОсунун Бектемир-Баатыр ата көчөсүндөгү “Ынтымак” кайрымдуулук фондуна тиешелүү болгон №17 а дарегиндеги жеке менчик 743,75 м2 өлчөмүндөгү жеке турак жай багытындагы жер аянты С-1 (Саламаттыкты сактоо, билим берүү, илим, маданият жана спорт аянттары зонасы) багытына өзгөртүүгө макулдук берүү жөнүндө

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары” жөнүндө 2021-жылдын 20-октябрындагы №123 Мыйзамынын 34-беренесинин 2-пунктунун 1-пунктчасына, Баткен шаарынын “Жер пайдалануунун эрежелеринин 22-пункттуна жана Баткен шаар мэриясынын алдындагы ММД 2023-жылдын 31-марттагы №02-6/49 катыны, Баткен шаардык Кеңешинин Архитектура, курулуш иши, транспорт жана коммуналдык чарба, муниципалдык менчик, сугат суу, айыл чарба жер маселелери боюнча туруктуу комиссиясынын кортундусунун негизинде Баткен шаардык Кеңешинин VII чакырылышынын кезектеги XIX сессиясы Токтом кылат:

1. Баткен шаарынын Базар-Башы АТОсунун Бектемир-Баатыр ата көчөсүндөгү “Ынтымак” кайрымдуулук фондуна тиешелүү болгон №17 а дарегиндеги жеке менчик 743,75м2 өлчөмүндөгү жеке турак жай багытындагы жер аянты С-1 (Саламаттыкты сактоо, билим берүү, илим, маданият жана спорт аянттары зонасы) багытына өзгөртүүгө макулдук берилсин.

2. “Ынтымак” кайрымдуулук фондунун жеке менчик жерине керектүү болгон юридикалык иш кагаздарын жасап берүү жагы шаар мэриясына тапшырылсын.

3. Токтом мамлекеттик каттоого киргизүү үчүн Баткен облустук юстиция башкармасына жиберилсин.

4. Токтомдун аткарылышын көзөмөлдөө жагы шаардык Кеңештин Архитектура, курулуш иши, транспорт жана коммуналдык чарба, муниципалдык менчик, сугат суу, айыл чарба жер маселелери боюнча туруктуу комиссиясына /Т.Курбанбековго/ тапшырылсын.