А. МИРМАХМУДОВ АЙЫЛДЫК КЕӉЕШИНИН ТОКТОМУ

А.Мирмахмудов айылдык кеңешинин VIII чакырылышынын кезектеги VII сессиясы

2022-жылдын 7июлу № 7-1

А.Мирмахмудов айылдык аймагынынын территориясындагы ирригациялык курулмаларды муниципалдык менчикке кабыл алуу жөнүндө

Кыргыз Республикасынын «Мүлккө болгон муниципалдык менчик жөнүндө» Мыйзамынын 2 жана 19-беренелерине, Кыргыз Республикасынын «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Мыйзамынын 34-беренесине ылайык, «Барын» суу пайдалануучулар ассоциациясынын мүчөлөрүнүн жалпы жыйынынын ирригациялык курулмаларды муниципалдык менчикке берүү жөнүндө чечими тууралуу А.Мирмахмудов айылдык кеңеши

ТОКТОМ КЫЛАТ:

1. «Барын» суу пайдалануучулар ассоциациясынын мүчөлөрүнүн кезексиз жалпы жыйынынын ирригациялык курулмаларды муниципалдык менчикке берүү жөнүндө суроо-талабы канааттандырылсын.
2. Мирмахмудов атындагы айыл өкмөтүнүн башчысы:

2.1.               «Барын» суу пайдалануучулары менен ирригациялык курулмалар түрдө мүлктү      кабыл алуу-берүү актын түзсүн.

2.2.               «Барын» суу пайдалануучулар ассоциациясы менен ирригациялык курулмаларды берүү келишимине кол койсун, аны мамлекеттик нотариустан күбөлөндүрсүн жана мамлекеттик каттоо кызматтарынын органдарында каттасын.

2.3.               Ирригациялык курулмаларды муниципалдык менчик реестрине камтысын.

1. Ушул токтомдун аткарышылын көзөмөлдөө айылдык кеңештин экономикалык маселелер боюнча туруктуу депутаттык комиссиясына жүктөлсүн.