САРЫ-ӨЗӨН АЙЫЛ АЙМАГЫНЫН

САРЫ-ӨЗӨН АЙЫЛДЫК КЕҢЕШИНИН

ТОКТОМУ

2025-жылдын 15-июлу № 01-7/50

Сары-Өзөн айыл өкмөтүнүн балансынан “Лицей орто мектебинин имаратынын жана курулмаларынын алдындагы жер тилкесин “№114 кесиптик лицейи” мекемесине өткөрүп берүү жөнүндө

Сары-Өзөн айыл өкмөтүнүн балансында турган, Сары-Өзөн айыл аймагынын Сокулук айылындагы Мельничная көчөсү №1г дарегинде жайгашкан “Лицей орто мектебинин имаратынын жана курулмаларынын алдындагы жер тилкесин” мамлекеттик менчикке өткөрүп берүү маселеси каралып чыгып, Кыргыз Республикасынын 2021-жылдын 20-октябрындагы №123 “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамын, 2002-жылдын 15-мартындагы №37 “Мүлккө муниципалдык менчик жөнүндө” мыйзамын жетекчиликке алып, Сары-Өзөн айылдык кеңешинин кезексиз сессиясы

ТОКТОМ КЫЛАТ:

1. Сары-Өзөн айыл аймагынын Сокулук айылындагы Мельничная көчөсү №1г дарегинде жайгашкан, жалпы аянты 1,0 га болгон “Лицей орто мектебинин имараты жана курулмаларынын алдындагы жер тилкесинин” мамлекеттик актысын (серия Б №058774, каттоо №3775, 13.05.2025-ж.) мурдагы Крупская атындагы азыркы бириккен Сары-Өзөн айыл өкмөтүнүн балансынан “№114 Кесиптик лицейи” мекемесине өткөрүп берүүгө макулдук берилсин.

2. Ушул токтомдун негизинде айыл өкмөтүнүн башчысы Т.Э. Бектемиров тиешелүү буйругун чыгарсын.

3. Бул токтомдун аткарылышын көзөмөлдөө айыл өкмөтүнүн башчысы Т.Э.Бектемировго жүктөлсүн.