КАНТ ШААРДЫК КЕҢЕШИНИН

ТОКТОМУ

15-сессия

22-сентябрь 2023-жыл №85/ХV-28

Кант шаарынын мэриясынын бюджетинин 2023-жылдын 8 айына карата аткарылышы жөнүндө

Кант шаардык кеңешинин бюджет жана финансы боюнча туруктуу комиссиясынын чечимин карап чыгып, Кант шаардык мэриясынын “Кант шаарынын мэриясынын бюджетинин 2023-жылдын 8 айына карата аткарылышы жөнүндө” маалыматын талкуулап

КАНТ ШААРДЫК КЕҢЕШИ

ТОКТОМ КЫЛАТ:

1. Кант шаардык мэриясынын “Кант шаарынын мэриясынын бюджетинин 2023-жылдын 8 айына карата аткарылышы жөнүндө” маалыматы тиркемеге ылайык кабыл алынсын.

2. Кант шаарынын мэриясы:

- бюджеттик каражаттардын, өзгөчө анын корголгон беренелеринин максаттуу пайдаланышына көзөмөлдү камсыздасын;

- карыздарды кыскартуу жана салыктык башкарууну жакшыртуу аркылуу бюджетке салыктык жана салыктык эмес төлөмдөрдүн толук түшүүсү камсыз кылынсын;

- салык базасын мүмкүн болушунча кеңейтүү, бюджеттин кирешелерин толтуруунун жаңы булактары дайыма караштырылсын.

3. 2023-жылдын 11-декабрына чейин 2024-жылга карата Кант шаарынын мэриясынын болжолдуу бюджетинин долбоору камсыздалсын.

4. Бул токтомдун аткарылышын көзөмөлдөө Кант шаардык кеңешинин бюджет жана финансы боюнча туруктуу комиссиясына (Талантбек у. К.) жүктөлсүн.