КР Министрлер Кабинетинин

2026-жылдын 27-февралындагы № 137

токтому менен бекитилди

Расмий эмес котормо

1997-жылдын 9-октябрындагы Көз карандысыз Мамлекеттер Шериктештигине катышуучу мамлекеттердин чек ара аскерлеринин ортосунда мамлекеттер аралык маалымат алмашуу тутумун (КМШ ЧА-АМАТ) түзүү боюнча иштерди каржылоонун тартиби жөнүндө макулдашуунун колдонулушун токтотуу тууралуу ПРОТОКОЛ

Ашхабад шаары, 2014-жылдын 21-ноябры

Мындан ары Тараптар деп аталуучу, 1997-жылдын 9-октябрындагы Көз карандысыз Мамлекеттер Шериктештигине катышуучу мамлекеттердин чек ара аскерлеринин ортосунда мамлекеттер аралык маалымат алмашуу тутумун (КМТТТ ЧА-АМАТ) түзүү боюнча иштерди каржылоонун тартиби жөнүндө макулдашуунун катышуучу мамлекеттеринин өкмөттөрү,

төмөнкүлөр тууралуу макулдашты:

1-берене.

Тараптар 1997-жылдын 9-октябрындагы Көз карандысыз Мамлекеттер Шериктештигине катышуучу мамлекеттердин чек ара аскерлеринин ортосунда мамлекеттер аралык маалымат алмашуу тутумун (КМШ ЧА-АМАТ) түзүү боюнча иштерди каржылоонун тартиби жөнүндө макулдашуунун колдонулушу токтотулду деп эсептейт.

2-берене.

Бул Протокол анын күчүнө кириши үчүн зарыл болгон мамлекеттик ички жол-жоболорду Тараптар аткаргандыгы жөнүндө акыркы кабарлоону депозитарий алган датадан тартып 30 күн өткөндөн кийин күчүнө кирет.

2014-жылдын 21-ноябрында Ашхабад шаарында орус тилиндеги бир түп нускада түзүлдү. Түп нуска Көз карандысыз Мамлекеттер Шериктештигинин Аткаруу комитетинде сакталат, ал ушул Протоколго кол койгон ар бир мамлекетке анын күбөлөндүрүлгөн көчүрмөсүн жөнөтөт.