КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2026-жылдын 13-марты № 160-т

"Кыргызстан аэропорттору" ачык акционердик коомунун аэропортторунун расмий делегациялар залынын натыйжалуулугун жогорулатуу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

Кыргыз Республикасынын Министрлер Кабинетинин 2022-жылдын 23-сентябрындагы № 511-т тескемесине төмөнкүдөй өзгөртүүлөр киргизилсин:

1) жогоруда аталган тескеменин 1-тиркемесинде:

- төмөнкүдөй мазмундагы 30¹, 30² жана 30³-пункттар менен толукталсын:

"30¹. Кыргыз Республикасынын Президентине караштуу Виртуалдык активдер жана блокчейн-технологиялар чөйрөсүн өнүктүрүү боюнча улуттук кеңештин катчылыгынын жетекчиси жана анын орун басары.

30². Кыргыз Республикасынын Президентине караштуу Ырайым кылуу маселелери боюнча комиссиянын жооптуу катчысы.

30³. Кыргыз Республикасынын Президентине караштуу Жарандык маселелери боюнча комиссиянын жооптуу катчысы.";

- төмөнкүдөй мазмундагы 39¹-пункт менен толукталсын:

"39¹. Россия Федерациясынын бажы кызматынын Кыргыз Республикасынын бажы кызматындагы өкүлү.";

2) жогоруда аталган тескеменин 2-тиркемесинде:

- 2-пункт төмөнкүдөй мазмундагы жыйырма тогузунчу-отуз экинчи абзацтар менен толукталсын:

"Кыргыз Республикасынын Президентине караштуу Виртуалдык активдер жана блокчейн-технологиялар чөйрөсүн өнүктүрүү боюнча улуттук кеңештин катчылыгынын жетекчиси жана анын орун басары;

Кыргыз Республикасынын Президентине караштуу Ырайым кылуу маселелери боюнча комиссиянын жооптуу катчысы;

Кыргыз Республикасынын Президентине караштуу Жарандык маселелери боюнча комиссиянын жооптуу катчысы;

Россия Федерациясынын бажы кызматынын Кыргыз Республикасынын бажы кызматындагы өкүлү;".