КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2026-жылдын 25-апрели № 284

Кыргыз Республикасынын Коопсуздук кеңешинин 2026-жылдын 19-мартындагы № 1 КПҮ чечимине, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Өкмөтүнүн 2014-жылдын 17-февралындагы № 99 «Кыргыз Республикасынын Стратегиялык объектилеринин тизмегин бекитүү жөнүндө» токтомуна төмөнкүдөй өзгөртүү киргизилсин:

жогоруда аталган токтом менен бекитилген Кыргыз Республикасынын Стратегиялык объектилеринин тизмегинде:

- «Мамлекетти башкаруу үчүн мааниси бар объектилер» графасындагы «А» категориясы (өтө маанилүү объектилер)» бөлүмүнүн 1-пункту «аймактар» деген сөздөн кийин «, ошондой эле кайтарылуучу адамдарды андан ары жайгаштыруу үчүн арналган курулуп жаткан объектилер» деген сөздөр менен толукталсын.

2. Кыргыз Республикасынын Президентине караштуу Мамлекеттик күзөт кызматы ушул токтомдон келип чыгуучу чараларды көрсүн.

3. Бул токтом расмий жарыяланган күндөн тартып он күн өткөндөн кийин күчүнө кирет.

"Эркин-Тоо" мамлекетик расмий газетасынын 2026-жылдын 28-апрелиндеги № 32 (3792) жарыяланды