КАНТ ШААРДЫК КЕҢЕШИНИН

ТОКТОМУ

5-сессиясы

2025-жылдын 24-апрели № 24/V-29

2024-жылдагы Кант шаарынын социалдык-экономикалык өнүктүрүүсүнүн жыйынтыгы жана 2025-жылга карата Кант шаарынын социалдык-экономикалык өнүктүрүү планын бекитүү жөнүндө

Кант шаардык кеңешинин бюджет жана финансы боюнча туруктуу комиссиясынын чечимин карап чыгып, «Кант шаарынын 2024-жылдагы социалдык-экономикалык өнүгүүсүнүн жыйынтыгы жана 2025-жылга карата Кант шаарынын социалдык-экономикалык өнүктүрүү планын бекитүү жөнүндө» Кант шаарынын мэриясынын маалыматын угуп жана талкуулап

КАНТ ШААРДЫК КЕҢЕШИ

ТОКТОМ КЫЛАТ:

1.Кант шаарынын мэриясынын «Кант шаарынын 2024-жылдагы социалдык-экономикалык өнүгүүсүнүн жыйынтыктары жөнүндө» маалыматы №1-тиркемеге ылайык эске алынсын.

2.Кант шаарынын 2025-жылга карата социалдык-экономикалык өнүктүрүү планы №2-тиркемеге ылайык бекитилсин.

3.Кант шаарынын мэриясы:

 -салык базасын мүмкүн болушунча кеңейтип, бюджеттин киреше бөлүгүн толтуруунун

 -жаңы булактарын дайыма издештирсин;

 -бюджеттик каражаттардын, өзгөчө анын корголгон беренелеринин максаттуу пайдаланылышына көзөмөлдү камсыз кылсын;

 -жалпы билим берүү жана мектепке чейинки билим берүү уюмдарынын материалдык-техникалык базасын чыңдоону камсыз кылсын;

 -Кант шаарында коомдук тартипти сактоо боюнча чараларды көрсүн;

 -кварталдык комитеттердин төрагалары менен бирдикте Кант шаарынын аймагын ирригациялык тармактарды тазалоо, көрктөндүрүү жана санитардык тазалоо боюнча иштерди уюштурсун;

 -аз камсыз болгон үй-бүлөлөрдү жана жарандарды социалдык жактан колдоо жана материалдык жардам көрсөтүү боюнча ишти жакшыртсын;

 -үй-бүлөлөрдүн бакубаттуулугун жогорулатуу жана аларды жакырчылыктан чыгаруу программасын ишке ашыруу максатында жакырчылыктын деңгээлин төмөндөтүү боюнча иштерди жүргүзсүн;

 -калкты массалык дене тарбиясына жана спортко тартуу, ошондой эле сергек жашоо образын пропагандалоо боюнча иштердин натыйжалуулугун жогорулатсын;

4.Маданий потенциалды өнүктүрүүгө жана сактоого, өсүп келе жаткан муундарды адептүүлүк-мекенчилдикке тарбиялоого, балдарды жана жаштарды көркөм чыгармачылык ийримдерине тартууга багытталган иш-чараларды өткөрсүн.

5.Бул токтомдун аткарылышын көзөмөлдөө Кант шаардык Кеңешинин бюджет жана финансы боюнча туруктуу комиссиясына (М.К. Коджакматов) жүктөлсүн.

(Кыргыз Республикасынын Юстиция министрлигинде кагаз түрүндөгү тиркемелер № 1, № 2)