КЫРГЫЗ РЕСПУБЛИКАСЫНЫН МЫЙЗАМЫ

2026-жылдын 19-майы № 69

Кыргыз Республикасынын айрым мыйзам актыларына ("Кыргыз Республикасынын Жогорку Кеңешинин Регламенти жөнүндө", "Кыргыз Республикасынын ченемдик укуктук актылары жөнүндө" Кыргыз Республикасынын мыйзамдарына) өзгөртүүлөрдү киргизүү жөнүндө

1-берене.

"Кыргыз Республикасынын Жогорку Кеңешинин Регламенти жөнүндө" Кыргыз Республикасынын Мыйзамына ("Эркин-Тоо" гезити, 2022-жылдын 16-ноябры, № 100-101) төмөнкүдөй өзгөртүүлөр киргизилсин:

1) 46-берененин 3-бөлүгүндө ", ошондой эле кагаз вариантта" деген сөздөр "же кагаз түрүндө" деген сөздөргө алмаштырылсын;

2) 50-берененин 7-бөлүгүндө "кагаз жана" деген сөздөр "кагаз же" деген сөздөргө алмаштырылсын;

3) 51-берененин 7-бөлүгүндө "кагаз жана" деген сөздөр "кагаз же" деген сөздөргө алмаштырылсын;

4) 52-берененин 2-бөлүгүндө "кагаз жана" деген сөздөр "кагаз же" деген сөздөргө алмаштырылсын;

5) 58-берененин 6-бөлүгү "күндүн ичинде" деген сөздөрдөн кийин "кагаз же электрондук түрдө" деген сөздөр менен толукталсын;

6) 162-берененин 1-бөлүгүндө "кагаз жана электрондук түрдө" деген сөздөр "кагаз же электрондук түрдө" деген сөздөргө алмаштырылсын.

2-берене.

"Кыргыз Республикасынын ченемдик укуктук актылары жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2009-ж., № 7, 751-ст.) төмөнкүдөй өзгөртүү киргизилсин:

24-берененин 3-бөлүгүндө "кагаз түрүндө электрондук сакталмасы менен кошо" деген сөздөр "кагаз же электрондук түрдө" деген сөздөргө алмаштырылсын.

3-берене.

Ушул Мыйзам расмий жарыяланган күндөн тартып күчүнө кирет.

“Эркин-Тоо” мамлекеттик расмий гезитинин 2026-жылдын 22-майындагы № 37 (3797) саны менен жарыяланды.