Кыргыз Республикасынын Министрлер Кабинетинин 2023-жылдын 29-сентябрындагы № 514 «Кыргыз Республикасынын Экономика жана коммерция министрлигине караштуу Банкроттук иштер боюнча департаменттин өнүктүрүү жана материалдык камсыздоо фонду жөнүндө жобону бекитүү тууралуу» токтомуна өзгөртүүлөрдү киргизүү жөнүндө

Банкрот процессинин жол-жоболорунун натыйжалуулугун жогорулатуу, банкроттук жөнүндө иштер боюнча мамлекеттик органдын материалдык-техникалык базасын чыңдоо жана кызматкерлерин социалдык коргоону камсыз кылуу максатында, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2023-жылдын 29-сентябрындагы № 514 «Кыргыз Республикасынын Экономика жана коммерция министрлигине караштуу Банкроттук иштер боюнча департаменттин өнүктүрүү жана материалдык камсыздоо фонду жөнүндө жобону бекитүү тууралуу» токтомуна төмөнкүдөй өзгөртүүлөр киргизилсин:

жогоруда көрсөтүлгөн токтом менен бекитилген Кыргыз Республикасынын Экономика жана коммерция министрлигине караштуу Банкроттук иштер боюнча департаменттин өнүктүрүү жана материалдык камсыздоо фонду жөнүндө жободо:

1) 2-пункттун биринчи абзацы төмөнкүдөй редакцияда баяндалсын:

«2. Өнүктүрүү фондунун каражаттары республикалык бюджеттен Департаменттин эмгек акы төлөө фондунун өлчөмүндө каржылоонун эсебинен түзүлөт.»;

2) 3-пункттун 1-пунктчасында:

– биринчи абзацтагы «80» деген цифралар «90» деген цифраларга алмаштырылсын;

– төмөнкүдөй мазмундагы абзацтар менен толукталсын:

«– консалтингдик, баалоочу, аудитордук, юридикалык жана башка уюмдар көрсөтүүчү кызматтарга, эксперттердин жана адистердин ишине акы төлөөгө;

– компьютердик жабдууларды, программалык камсыздоону, уюштуруу техникасын, байланыш каражаттарын, эмеректерди, комплекттөөчүлөрдү сатып алууга, оңдоого жана техникалык тейлөөгө;

– стандарттарды, методикаларды, колдонмолорду ж.б. түзүү боюнча илимий-изилдөө иштерине акы төлөөгө;

– натыйжалуу ишти камсыз кылуу үчүн Департаменттин материалдык-техникалык жана социалдык базасын өнүктүрүүгө жана чыңдоого;»;

3) 3-пункттун 2-пунктчасы күчүн жоготту деп таанылсын.

2. Бул токтом расмий жарыяланган күндөн тартып он күн өткөндөн кийин күчүнө кирет.

«Эркин-Тоо» мамлекеттик расмий гезитинин 2026-жылдын 1-майындагы № 33 (3793) саны менен жарыяланды