Мин-Булак айыл аймагынын айылдык Кеңеши

ТОКТОМ

Мин-Булак айыл аймагынын  айылдык Кеңешинин I-чакырылышы

2025-жылдын 26-июну №82

Миң-Булак айыл аймагынын «Ардактуу атуул» наамын ыйгаруу жөнүндөгү

Жобого өзгөртүүлөрдү жана толуктоолорду киргизүү жөнүндө

  Миң-Булак айыл аймагынын Кеңешинин этика, регламент жана мандат маселелери боюнча туруктуу комиссиясынын төрагасы Б.К. Саркулов тарабынан берилген «Миң-Булак айыл аймагынын “Ардактуу атуулу” наамын ыйгаруу жөнүндөгү Жобого өзгөртүүлөрдү жана толуктоолорду киргизүү жөнүндө» маалыматын угуп, талкуулап чыгып, Миң-Булак айыл аймагынын Кеңешинин сессиясы

ТОКТОМ КЫЛАТ:

1. Миң-Булак айыл аймагынын Кеңешинин 2024-жылдын 2-сентябрындагы №79 токтому менен бекитилген “Миң-Булак айыл аймагынын Ардактуу атуулу” наамын ыйгаруу жөнүндөгү Жобого төмөнкүдөй өзгөртүүлөр жана толуктоолор киргизилсин:

1) 5-бөлүм төмөнкүдөй 6-пункт менен толукталсын:

-6-пункт: «Миң-Булак айыл аймагынын Ардактуу атуулу” ардактуу наамы расмий түрдө жыл сайын Кыргыз Республикасынын Эгемендүүлүк күнүндө – 31-августта, Миң-Булак айыл аймагынын салтанаттуу майрамдык иш-чарасында тапшырылат»

2) 2-бөлүмдүн 9-пунктундагы «жылына үчтөн көп эмес талапкерге берилет» деген сөздөр төмөнкүдөй алмаштырылсын:

«Айыл аймактагы ар бир айылдан жылына 1 талапкерден көп эмес, Александровка жана Садовое айылдарынан – 2 талапкерден көп эмес».

3) 4-бөлүм төмөнкүдөй  11-пункт менен толукталсын:

«Медаль, лента жана күбөлүк жасоо менен байланышкан чыгымдар Миң-Булак айыл өкмөтү тарабынан каржыланат»

2. Бул токтомдун аткарылышына көзөмөл жүргүзүү айылдык Кеңештин этика, регламент жана мандат маселелери боюнча туруктуу комиссиясына жүктөлсүн.