КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2026-жылдын 4-июну № 392

Мамлекеттик жогорку окуу жайларынын жетекчилерин дайындоо тартибин жөнгө салуучу мыйзамдарды системалаштыруу максатында, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2022-жылдын 29-июлундагы № 418 «Мамлекеттик жогорку окуу жайлардын жетекчилерин кызматка дайындоо, бошотуу жана аттестациялоо тартиби жөнүндө» токтомуна төмөнкүдөй өзгөртүүлөр киргизилсин:

1) жогоруда аталган токтом менен бекитилген Мамлекеттик жогорку окуу жайлардын жетекчилерин кызматка дайындоо, бошотуу жана аттестациялоо тартиби жөнүндө жободо:

- 3-пункттун 3-пунктчасындагы «жана наамы» деген сөздөр алып салынсын;

- 6-пункттун биринчи абзацындагы «ички иштер» деген сөздөр «саламаттык сактоо, ички иштер» деген сөздөр менен алмаштырылсын;

- 7-пунктта «жана окумуштуулук наамы» деген сөздөр алып салынсын;

2) жогоруда аталган токтом менен бекитилген Мамлекеттик жогорку окуу жайдын жетекчисинин кызмат ордуна карата квалификациялык талаптарда:

- 4, 5-пункттар төмөнкүдөй редакцияда баяндалсын:

«4. Мамлекеттик, анын ичинде «улуттук» статусу бар жогорку окуу жайынын жетекчисинин кызмат ордуна (маданият жана искусство багыттары/адистиктери боюнча даярдоого адистешкен мамлекеттик жогорку окуу жайынын жетекчисинин кызмат ордун кошпогондо) төмөнкүдөй квалификациялык талаптар белгиленет:

- жогорку кесиптик билиминин болушу;

- илимдин кандидаты же PhD доктору окумуштуулук даражасынын болушу;

- 5 жылдан кем эмес илимий же педагогикалык иш стажы.

5. Маданият жана искусство багыттары/адистиктери боюнча даярдоого адистешкен, анын ичинде «улуттук» статусу бар мамлекеттик жогорку окуу жайынын жетекчисинин кызмат ордуна төмөнкүдөй квалификациялык талаптар белгиленет:

- жогорку кесиптик билиминин болушу;

- илимдин кандидаты же PhD доктору окумуштуулук даражасынын же Кыргыз Республикасынын маданият жана искусство жаатындагы ардак наамынын болушу;

- 5 жылдан кем эмес илимий же педагогикалык иш стажы.».

2. Бул токтом расмий жарыяланган күндөн тартып он күн өткөндөн кийин күчүнө кирет.

«Эркин-Тоо» мамлекеттик расмий гезитинин 2026-жылдын 5-июнундагы № 41 (3801) саны менен жарыяланды