Кыргыз Республикасынын Президентинин 2025-жылдын 20-декабрындагы № 371 «Кыргыз Республикасынын жергиликтүү сотторунун судьяларын дайындоо жөнүндө» Жарлыгы

КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ

2025-жылдын 20-декабры № 371

Кыргыз Республикасынын Конституциясынын 70-беренесинин 4-бөлүгүнүн 3-пунктуна, 95-беренесинин 8-бөлүгүнүн экинчи абзацына, “Кыргыз Республикасынын судьяларынын статусу жөнүндө” Кыргыз Республикасынын конституциялык Мыйзамынын 25-беренесинин 3-бөлүгүнө ылайык жана Кыргыз Республикасынын Сот адилеттиги иштери боюнча кеңешинин Кыргыз Республикасынын айрым жергиликтүү сотторунун судьяларынын кызмат орундарына талапкерлер жөнүндө сунушу боюнча токтом кылам:

1. 2025-жылдын 15-декабрынан тартып курагынын чегине жеткенге чейин Кыргыз Республикасынын төмөнкү жергиликтүү сотторунун судьялары болуп дайындалсын:

- Талас облустук сотуна

Майлубашов Нурбек Рысбаевич;

- Бишкек шаарынын Октябрь райондук сотуна

Суеркулов Эрлан Оморалиевич.

2. Бул Жарлык кол коюлган күндөн тартып күчүнө кирет.