ИСХАК-ПОЛОТХАН АЙЫЛ АЙМАГЫНЫН

АЙЫЛДЫК КЕҢЕШИ

ТОКТОМ

Исхак-Полотхан айылдык кеңешинин кезексиз 15-сессиясы

2026-жылдын 22-июну №66

 Исхак-Полотхан айыл өкмөтүнүн муниципалдык кызматчыларынын  эмгек акысына 40% көбөйтүп  берүүгө макулдук берүү  жөнүндө.

             Кыргыз Республикасынын 2022-жылдын 1-августу ПЖ №266 кыргыз Республикасынын мамлекеттик жарандык кызматчыларына жана муниципалдык кызматчыларына эмгек акы төлөө шарттары жөнүндө Президентинин Жарлыгына, “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамынын 34,39-беренелерине негиз, айылдык кеңештин бюджет, инвестиция, экономика, ишкердик иштери жана коомдук уюмдар  боюнча туруктуу комиссиясынын корутундусуна ылайык,  Исхак-Полотхан айылдык кеңеши  токтом кылат:

1. Исхак-Полотхан айыл өкмөтүнүн муниципалдык кызматчыларынын  эмгек акысына 2026-жылдын 1-июлдан тартып  40% көбөйтүлгөн эмгек акыны  жергиликтүү бюджеттен мыйзам чегинде  төлөп берүүгө макулдук берилсин. 
2. Бул токтомдун аткарылышын көзөмөлдөө айыл өкмөттүн башчысына жана айылдык кеңештин бюджет, инвестиция, экономика, ишкердик иштери жана коомдук уюмдар  боюнча туруктуу комиссиясына жүктөлсүн.
3. Токтом Исхак-Полотхан айыл өкмөтүнүн расмий ishak-polothan.gov.kg веб-сайтына жарыялансын.
4. Токтомдун көчүрмөсү ченемдик укуктук актылар мамлекеттик реестрине киргизүү үчүн Кыргыз Республикасынын юстиция Министрлигинин Баткен облустук башкармалыгына жөнөтүлсүн.
5. Токтом Кыргыз Республикасынын ченемдик укуктук актылардын мамлекеттик реестрине киргизилген күндөн тартып күчүнө кирет.