МыйзамКүчүндө

Кыргыз Республикасынын 2026-жылдын 2-июлундагы № 98 «Кыргыз Республикасынын айрым мыйзам актыларына (»Борбордун статусу жөнүндө«,»Ош шаарынын статусу жөнүндө«,»Жергиликтүү мамлекеттик администрация жана жергиликтүү өз алдынча башкаруу органдары жөнүндө«Кыргыз Республикасынын мыйзамдарына) өзгөртүүлөрдү киргизүү жөнүндө» Мыйзамы

Редакция02.07.2026 редакциясы
Жүктөө .docx
Бул документ орус тилинде да барОрусча
Кыргыз Республикасынын Мамлекеттик герби

КЫРГЫЗ РЕСПУБЛИКАСЫНЫН МЫЙЗАМЫ

 

 

2026-жылдын 2-июлу № 98

 

Кыргыз Республикасынын айрым мыйзам актыларына ("Борбордун статусу жөнүндө", "Ош шаарынын статусу жөнүндө", "Жергиликтүү мамлекеттик администрация жана жергиликтүү өз алдынча башкаруу органдары жөнүндө" Кыргыз Республикасынын мыйзамдарына) өзгөртүүлөрдү киргизүү жөнүндө

 

1-берене

"Борбордун статусу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2013-ж., № 11, 1237-ст.) төмөнкүдөй өзгөртүүлөр киргизилсин:

21-беренеде:

а) расмий тилдеги биринчи абзацта "Кроме" деген сөз "1. Кроме" деген сөздөргө алмаштырылсын;

б) төмөнкүдөй мазмундагы 8-пункт менен толукталсын:

"8) жыл сайын калк менен милдеттүү жолугушууларды өткөрөт.";

в) төмөнкүдөй мазмундагы 2-бөлүк менен толукталсын:

"2. Ушул берененин 1-бөлүгүнүн 8-пунктунда көрсөтүлгөн Бишкек шаарынын мэринин калк менен милдеттүү жолугушуулары жылына 2 жолу, ар бир жылдын февраль-мартында жана ноябрь-декабрында өткөрүлөт.".

2-берене

"Ош шаарынын статусу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2013-ж., № 11, 1238-ст.) төмөнкүдөй өзгөртүүлөр киргизилсин:

21-беренеде:

а) биринчи абзацта:

- мамлекеттик тилдеги текстте "Жергиликтүү мамлекеттик" деген сөздөр "1. "Жергиликтүү мамлекеттик" деген сөздөргө алмаштырылсын;

- расмий тилдеги текстте "Кроме" деген сөз "1. Кроме" деген сөздөргө алмаштырылсын;

б) төмөнкүдөй мазмундагы 8-пункт менен толукталсын:

"8) жыл сайын калк менен милдеттүү жолугушууларды өткөрөт.";

в) төмөнкүдөй мазмундагы 2-бөлүк менен толукталсын:

"2. Ушул берененин 1-бөлүгүнүн 8-пунктунда көрсөтүлгөн Ош шаарынын мэринин калк менен милдеттүү жолугушуулары жылына 2 жолу, ар бир жылдын февраль-мартында жана ноябрь-декабрында өткөрүлөт.".

3-берене

"Жергиликтүү мамлекеттик администрация жана жергиликтүү өз алдынча башкаруу органдары жөнүндө" Кыргыз Республикасынын Мыйзамына ("Эркин-Тоо" гезити, 2021-жылдын 22-октябры, № 109) төмөнкүдөй өзгөртүүлөр киргизилсин:

1) 11-беренеде:

а) 1-бөлүк төмөнкүдөй мазмундагы 14-пункт менен толукталсын:

"14) жыл сайын калк менен милдеттүү жолугушууларды өткөрөт.";

б) төмөнкүдөй мазмундагы 6-бөлүк менен толукталсын:

"6. Ушул берененин 1-бөлүгүнүн 14-пунктунда көрсөтүлгөн акимдин калк менен милдеттүү жолугушуулары жылына 2 жолу, ар бир жылдын февраль-мартында жана ноябрь-декабрында өткөрүлөт.";

2) 48-беренеде:

а) 1-бөлүк төмөнкүдөй мазмундагы 17-пункт менен толукталсын:

"17) жыл сайын калк менен милдеттүү жолугушууларды өткөрөт.";

б) төмөнкүдөй мазмундагы 3-бөлүк менен толукталсын:

"3. Ушул берененин 1-бөлүгүнүн 17-пунктунда көрсөтүлгөн шаардын мэринин калк менен милдеттүү жолугушуулары жылына 2 жолу, ар бир жылдын февраль-мартында жана ноябрь-декабрында өткөрүлөт.".

4-берене

Ушул Мыйзам расмий жарыяланган күндөн тартып күчүнө кирет.

“Эркин-Тоо” мамлекеттик расмий гезитинин 2026-жылдын 3-июлундагы № 49 (3809) саны менен жарыяланды.

 

 

Кыргыз Республикасынын

Президенти

 

С.Н. Жапаров

 

 

 

2026-жылдын 10-июнунда

 

Кыргыз Республикасынын

Жогорку Кеңеши тарабынан кабыл алынган