Кыргыз Республикасынын

Улуттук банк Башкармасынын

2026-жылдын 6-июлундагы

№ 2026-П-17/35-6-(НПА)

токтомуна карата 1-тиркеме

“Адистештирилген финансы уюмдарынын ишин лицензиялоо жөнүндө” жобо

"Адистештирилген финансы уюмдарынын ишин лицензиялоо жөнүндө" жободо (мындан ары - Жобо) ушул жободо көрсөтүлгөн айрым банктык операцияларды жүзөгө ашырган адистештирилген финансы уюмдарынын (мындан ары – АФУ) ишин лицензиялоо тартиби аныкталган.

Бул Жобо коммерциялык банктарга, микрофинансы уюмдарына, кредиттик союздарга, "Кредиттик союздардын каржы компаниясы" ААКка жана Кыргыз Республикасынын Улуттук банкынын (мындан ары – Улуттук банк) көзөмөлүнө алынган, Улуттук банктын уруксат берүүчү документинин негизинде иш алып барган жана айрым банктык операцияларды жүргүзүүгө укуктуу башка юридикалык жактарга таркатылбайт.

1-глава. Жалпы жоболор

1. АФУ акционердик коомдун (жабык же ачык) же жоопкерчилиги чектелген коомдун уюштуруу-укуктук формасында түзүлгөн, Кыргыз Республикасынын мыйзамдарына, ушул Жобого жана АФУнун уюштуруу документтерине ылайык, Улуттук банктын тиешелүү лицензиясынын негизинде айрым банктык операцияларды жүзөгө ашырууга укуктуу юридикалык жак болуп саналат.

2. Өз ишин жүзөгө ашыруу үчүн АФУ Кыргыз Республикасынын “Банктар жана банк иштери жөнүндө" жана "Кыргыз Республикасындагы лицензиялык-уруксат берүү тутуму жөнүндө" Кыргыз Республикасынын мыйзамдарына жана Улуттук банктын башка ченемдик укуктук актыларына ылайык, ушул Жобонун 3-пунктунда көрсөтүлгөн айрым банктык операцияларды жүргүзүү укугуна Улуттук банктан лицензия алууга милдеттүү (мындан ары - лицензия).

3. АФУ Улуттук банк тарабынан белгиленген чектөөлөрдү эске алуу менен, эгерде мындай операциялар лицензияда көрсөтүлгөн болсо, төмөнкү айрым банктык операцияларды жүргүзүүгө укуктуу:

1) Накталай эмес чет өлкө валютасын Кыргыз Республикасынын коммерциялык банктарынын өтүнмөсү боюнча накталай эмес чет өлкө валютасына гана сатып алуу жана сатуу (алмашуу);

2) Улуттук банк тарабынан чыгарылган өлчөнгөн куйма түрүндөгү баалуу металлдар менен операцияларды жүзөгө ашыруу.

4. АФУга бардык "оюн" иш-аракеттерине, анын ичинде АФУнун имараттарында акча-буюм лотереяларын өткөрүүнү же аларды жарнамалоону кошо алганда, аларды уюштурууга жана өткөрүүгө катышууга тыюу салынат.

5. АФУнун фирмалык (расмий) аталышы – толук жана/же кыскартылган түрү бар. Фирмалык (расмий) аталышы АФУнун уставында көрсөтүлөт. АФУларга кандайдыр бир документтерде, кулактандырууларда же жарнамада уставда каралбаган аталышты колдонууга тыюу салынат.

6.  АФУга катышуусу Кыргыз Республикасынын мыйзамдарында тыюу салынбаган жеке жана юридикалык жактар (Кыргыз Республикасынын резиденттери гана) АФУнун уюштуруучулары (акционерлери)/катышуучулары боло алышат. 7. АФУнун уюштуруучулары (акционерлери/катышуучулары) төмөнкү минималдуу талаптарга жооп берүүгө тийиш:

1) финансылык абалы канааттандырарлык болууга;

2) салыктарды жана аларга теңдештирилген төлөмдөрдү төлөө боюнча милдеттенмелердин жоктугу;

3) финансы-кредиттик уюмунун жана Улуттук банктын көзөмөлүндөгү башка жактардын лицензиясын/күбөлүгүн кайтарып алууга алып келген иш-аракеттерин (аракеттенбей коюусун) кошо алганда, аларга карата таасир этүү чаралары колдонулбаган же анын/алардын банктык мыйзамдарды бузууга жол бергендиги таанылган чечимдер болбоого тийиш;

4) уюштуруучуларга (акционерлерге)/катышуучуларга карата ушул өкүмдө белгиленген мөөнөткө финансы-кредит системасында иш жүргүзүү укугунан ажыратуу менен соттун айыптоо өкүмүнүн жоктугу;

5) уюштуруучуларга (акционерлерге)/катышуучуларга карата экономикалык, финансылык жана банктык чөйрөлөрдөгү кылмыштар, ошондой эле кызматтык кылмыштар үчүн соттун айыптоо өкүмүнүн жоктугу. Бул пунктча соттуулугу алынып салынган же жоюлган уюштуруучуларга (акционерлерге)/катышуучуларга жайылтылбайт.

Уюштуруучулар (акционерлер)/катышуучулар - юридикалык жактар мыйзамда белгиленген тартипте каттоодон өтүүгө тийиш.

8. Чечим же болбосо ушул обонун алкагында Улуттук банк тарабынан кабыл алынган чечимдер жөнүндө маалымат, эгерде аталган Жободо башка мөөнөт каралбаса, ушул чечим кабыл алынган күндөн тартып 3 (үч) жумуш күнү ичинде кат жүзүндө өтүнмө ээлерине (АФУ) маалымдалат.

9. Улуттук банктын ушул Жобонун алкагында кабыл алынып жаткан актылары (лицензияларды, Улуттук банк Башкармасынын жана Көзөмөл боюнча комитеттин токтомдорун эске албаганда) Улуттук банктын мөөрү менен тастыкталышын талап кылбайт.

2-глава. Адистештирилген финансы уюмунун уставдык капиталы

10. АФУнун уставдык капиталынын минималдуу өлчөмү 50 млн. сомдон төмөн болбоого тийиш.

11. АФУнун капиталынын негизги бөлүгү төлөнгөн уставдык капиталдын эсебинен түзүлөт. АФУнун капиталынын курамына, ал боюнча АФУ уюштуруучулар (акционерлер)/катышуучулар тарабынан салынган каражаттарды кайтаруу боюнча милдеттенмелери болбогон уставдык капитал гана кирет.

12. АФУнун уставдык капиталы Кыргыз Республикасынын улуттук валютасында жана уюштуруучулардын (акционерлердин)/катышуучулардын акча каражаттарынын эсебинен гана түзүлөт. Уставдык капиталды түзүү үчүн негизги каражаттарды жана материалдык эмес активдерди пайдаланууга жол берилбейт.

13. АФУнун уюштуруучулары/катышуучулары мамлекеттик каттоодон өткөндөн кийин коммерциялык банкта ачылган топтоо эсебине уставдык капиталдын минималдуу өлчөмүн салууга милдеттүү. АФУ айрым банктык операцияларды жүргүзүү укугуна лицензия алганга чейин эсептеги бул каражаттарды пайдаланууга укугу жок.

3-глава. АФУну уюштурууга макулдук алуу үчүн тапшырылуучу документтер

14. АФУну уюштурууга макулдук алуу үчүн өтүнүч берүүчү тарап Улуттук банкка төмөнкү документтерди сунуштоого тийиш:

1) Башкарманын төрагасы кол койгон, АФУ жүзөгө ашырууга ниеттенген операциялардын түрү толук чагылдырылган, ушул Жобонун 1-тиркемесине ылайык, ушул Жобонун 3-пунктунда аныкталган операцияларды көрсөтүү менен, АФУну уюштурууга макулдук алууга өтүнүч;

2) АФУнун (уюштуруучусунун/катышуучусунун жана уюштуруучуларынын/катышуучуларынын (жалпы) жыйынында кабыл алынган чечим (бир уюштуруучу/катышуучу болгон шартта) же (уюштуруучулардын/катышуучулардын саны бирден көп болсо) уюштуруу (жалпы) жыйынынын протоколу (эки нускада), анда АФУну уюштуруу, АФУнун директорлор кеңешинин төрагасын жана мүчөлөрүн (бар болсо), башкармасынын төрагасын жана мүчөлөрүн, ички контролдоо (аудит) кызматынын жетекчисин, башкы бухгалтерин, кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү боюнча ички уюштуруу иш-чаралары үчүн жооптуу түзүмдүк бөлүмдүн жетекчисин (комплаенс-офицер) жана тобокелдик менеджерин шайлоо (дайындоо) жөнүндө чечимдер;

3) АФУнун уюштуруучулары/катышуучулары тарабынан бекитилген АФУнун уставы эки нускада;

4) эки жана андан көп уюштуручулар/катышуучулар болгон учурда - АФУну уюштуруу жөнүндө нотариалдык күбөлөндүрүлгөн уюштуруу келишими эки нускада;

5) АФУнун бизнес-планы эки нускада;

6) Башкарманын төрагасынын жана мүчөлөрүнүн, директорлор кеңешинин төрагасы жана мүчөлөрүнүн (эгер бар болсо), ички көзөмөл (аудитордук) кызматынын жетекчисинин, башкы бухгалтердин, кылмыштуу ишти каржылоого жана кылмыштуу кирешелерди легалдаштырууга (адалдоого) каршы ички уюштуруу иш-чараларына жооптуу түзүмдүк бөлүмдүн жетекчисинин (комплаенс-офицер) жана АФУнун тобокелдик-менеджеринин анкеталары, ошондой эле (зарыл болгон учурда же Улуттук банктын суроо-талабы боюнча) алардын Улуттук банк тарабынан белгиленген минималдуу квалификациялык талаптарга ылайык келишин тастыктаган маалыматтар жана документтер;

7) АФУнун уюштуруу түзүмү (башкаруу органдары, түзүмдүк бөлүмдөрү (башкармалыктар, бөлүмдөр), алардын функционалдык милдеттери, кароого алынуучу маселелер, караштуулугу);

8) кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү боюнча болжолдонгон операциялар боюнча ишти жөнгө салуучу АФУнун ички көзөмөл программасы;

9) программалык камсыздоо ишин жөнгө салуу талаптары аткарылгандыгы жөнүндө маалыматтар, ошондой эле бул программалык камсыздоо АФУнун отчетторун Улуттук банктын ченемдик укуктук актыларынын талаптарына ылайык түзүүгө жана сунуштоого, ошондой эле маалыматтар архивин түзүп, сактоого жана ишке ашырылган операциялардын коопсуздугун жана ишенимдүүлүгүн камсыз кылуу талаптарын аткарууга жөндөмдүү экендиги маалымат системалары боюнча көз карандысыз компаниянын тиешелүү тастыктоочу документтери менен тастыкталган корутундусу;

10) уюштуруучулар/катышуучулар тарабынан АФУнун уставдык капиталына салынган акча каражаттарынын келип чыгуу булактарын аныктоого мүмкүндүк берген маалыматтар:   

а) юридикалык жактар тарабынан төмөнкүлөр сунушталат:   

- Кыргыз Республикасынын ыйгарым укуктуу органдары тарабынан тастыкталган, юридикалык жактын мөөрү менен күбөлөндүрүлгөн акыркы финансылык жыл үчүн пайда жана чыгым жөнүндө бухгалтердик баланстын жана отчеттун көчүрмөлөрү;   

- юридикалык жактын мөөрү менен күбөлөндүрүлгөн акыркы финансылык жыл үчүн финансылык отчеттун, декларациянын же финансылык абал жөнүндө башка документтердин көчүрмөлөрү;   

- аудитордук корутундунун көчүрмөсү (эгерде бул талап мыйзамдарда белгиленсе);  

- Кыргыз Республикасынын мыйзам актыларында тыюу салынбаган, уставдык капиталга салынган акча каражаттарынын келип чыгуу булактарын тастыктаган башка документтер;   

б) жеке адамдар тарабынан төмөнкүлөр сунушталат:   

- кирешелер жөнүндө маалым каттар, декларациялар, сатып алуу-сатуу/тартуулоо келишимдери, суммаларды, мүлктү мурастап алууга укук ж.б.;   

- Кыргыз Республикасынын мыйзам актыларында тыюу салынбаган, уставдык капиталга салынган акча каражаттардын келип чыгуу булактарын тастыктаган башка документтерди.   

11) ыйгарым укуктуу мамлекеттик органдын юридикалык жактын фирмалык (расмий) аталышын колдоо жана резервге алууну каттоо боюнча корутундусунун көчүрмөсү.

12) Улуттук банк тарабынан чыгарылган өлчөнгөн куймалар түрүндө баалуу металлдар менен операцияларды жүзөгө ашырууну көздөгөн АФУнун имаратында төмөнкүлөр болушу зарыл:

- касса терезелериндеги металл торлор же брондолгон айнек (коопсуздук классын жана сапат стандарттарына ылайыктуулугун тастыктаган документтер менен кошо);

- терезелердеги темир торлор;

- кирүүчү темир эшик;

- темир торлор же металл барактары менен капталган дубалдар (эгерде дубалдар жеңилдетилген каркас түрүндө жасалган болсо, капиталдык курулуш эмес);

- кардарлар менен накталай акча алмашуу боюнча операцияларды жазууну жана маалыматтарды 1 айдан кем эмес сактоону камсыз кылган видео байкоо системасы. Кардарларды тейлөө акча алмаштыруу бюросунун имаратында касса терезеси аркылуу гана жүргүзүлөт.

15. Ушул Жобого ылайык Улуттук банкка берилген, бирден ашык барактан турган АФУну түзүү боюнча уюштуруу документтери тигилип, номер коюлуп, уюштуруучулар жыйыны тарабынан ыйгарым укуктуу адам тарабынан кол коюлууга тийиш. Уюштуруучу - юридикалык жактын өкүлү болуп саналган ыйгарым укуктуу адамдын кол тамгасы юридикалык жактын мөөрү менен тастыкталууга тийиш.

16. Документтер белгиленген талаптарга туура келбеген жана документтердин топтому толук берилбеген учурда, АФУга жеткире иштеп чыгуу жана кемчиликтерди жоюу зарылдыгы жөнүндө кат жөнөтүлөт. АФУ 20 (жыйырма) календардык күндөн кечиктирбестен Улуттук банкка эскертүүлөрдү эске алуу менен такталган документтерди берүүгө тийиш. Ушул Жобонун талаптарына ылайык келбеген же 2 (эки) жолудан ашык толук көлөмдө жана белгиленген мөөнөттөрдө берилбеген документтер тапшырылган учурда, АФУнун документтери Улуттук банктын кароосуна кабыл алынбашы мүмкүн.

17. Эгерде документтер жеткире иштеп чыгууга жөнөтүлсө же өтүнүч катты жана документтерди кароо мезгили ичинде кошумча документтер сунушталса, аларды кароо мезгили ушул жобонун талаптарына жооп берген кошумча документтер сунушталган күндөн тартып кайра эсептелет.

18. Улуттук банк аларды кароого алган мезгил ичинде сунушталган документтерге өзгөртүүлөрдү киргизүү зарылчылыгы келип чыкса (аталышы, даректери, уюштуруучулар/катышуучулар (акционерлер) ж.б.), өтүнүч ээси бул тууралуу 3 (үч) жумуш күнү ичинде тез арада Улуттук банкка маалымдап, өзгөртүүлөр киргизилген документтерди сунуштоого тийиш, мында Улуттук банк өтүнүч катты жана бардык талап кылынган документтерди кароо мөөнөтүн 10 (он) жумуш күнүнө чейин узартышы мүмкүн.

19. АФУ, жеке адамдар жана юридикалык жактар ушул Жободо каралган документтер менен бирге алардын жеке маалыматтары Улуттук банкка сунушталууга тийиш болгон адамдардын жеке маалыматтарын ушул Жобого карата 7-тиркемеге ылайык топтоого жана иштеп чыгууга макулдугун берүүгө тийиш.

20. Улуттук банк АФУну уюштурууга макулдук берүү жөнүндө өтүнүчтү жана тиркелген документтерди өтүнүч жана белгиленген талаптарды канааттандырган документтер келип түшкөн күндөн тартып 30 (отуз) календардык күндүн ичинде карайт. АФУну уюштурууга макулдук берүү жөнүндө чечим банктык көзөмөл жана лицензиялоо маселелерин тескөөгө алган төраганын орун басары/Улуттук банк Башкармасынын мүчөсү тарабынан кабыл алынат.

21. Кыргыз Республикасынын мыйзамдарында белгиленген талаптарга ылайык юридикалык жактарды каттоо боюнча ыйгарым укуктуу органда АФУну мамлекеттик каттоо үчүн банктык көзөмөл жана лицензиялоо маселелерин тескөөгө алган төраганын орун басарынын/Улуттук банк Башкармасынын мүчөсүнүн колу коюлуп, макулдук кат менен бирге анын уюштуруу документтеринин бир нускасын берет.

22.  АФУнун башкармасынын/директорлор кеңешинин төрагасы юридикалык жак катары мамлекеттик каттоодон өткөндөн кийин лицензия алуу үчүн Улуттук банкка төмөнкү документтерди жөнөтөт:  

1) АФУнун башкармасынын төрагасы же АФУ акционерлеринин чогулушунда ыйгарым укук берилген башка адам тарабынан кол коюлган лицензия берүүгө арыз;

2) юридикалык жактарды каттоо боюнча ыйгарым укуктуу органда мамлекеттик каттоодон өткөн чечимдин/уюштуруу келишиминин АФУнун мөөрү менен күбөлөндүрүлгөн көчүрмөсү;

3) юридикалык жактарды каттоо боюнча ыйгарым укуктуу органда мамлекеттик каттоодон өткөндүгү жөнүндө белги коюлган, АФУнун мөөрү менен күбөлөндүрүлгөн уставдын көчүрмөсү;

4) мамлекеттик каттоо жөнүндө маалым кат (АФУнун мөөрү менен күбөлөндүрүлгөн күбөлүктүн көчүрмөсү);

5) АФУнун эсептешүү эсебине минималдуу уставдык капитал салынгандыгы жөнүндө банктын маалым катын;

6) лицензия берүү үчүн мамлекеттик алымынын салынгандыгын тастыктаган документи;

7) акционердик коомдор: АФУнун реестрди кармоочусу тарабынан күбөлөндүрүлгөн АФУнун акционерлеринин реестри. Кийинчерээк, акционерлердин курамында кандайдыр бир өзгөрүүлөр болгон учурда, АФУнун акционерлеринин реестрине өзгөртүү киргизилген учурдан тартып 5 (беш) жумуш күндүн ичинде Улуттук банкка АФУнун акционерлеринин реестри өзгөртүүлөр менен кагаз жүзүндө тийиштүү түрдө күбөлөндүрүлүп берилет;

23. Лицензия ушул Жобонун 22-пунктунда көрсөтүлгөн талаптарга жооп берген документтер берилгенден кийин 5 (беш) жумуш күнү ичинде берилет.

24. Улуттук банк төмөнкү себептердин кайсы бири боюнча АФУну түзүүгө макулдук берүүдөн, банктык айрым операцияларды жүргүзүү укугуна лицензия берүүдөн баш тартууга укуктуу:

1) лицензия алуу үчүн берилген уюштуруучу же башка документтер мыйзамдарда белгиленген талаптарга ылайык келбеши;

2) документтер мыйзамдарда белгиленген толук эмес көлөмдө тапшырылса;

3) уюштуруучулар (акционерлер)/катышуучулар жана кызмат адамдары Улуттук банк тарабынан белгиленген талаптарга жооп бербесе;

4) минималдуу уставдык капитал өлчөмү, түзүмү, келип чыгуу булактары мыйзам талаптарына ылайык келбесе;

5) өтүнүч ээси лицензия алуу үчүн такталбаган маалыматтар камтылган документтерди сунуштаса;

6) лицензия үчүн мамлекеттик алымды төлөбөсө;

7) АФУнун уюштуруучусуна (акционерине)/катышуучусуна карата иштин бул түрү менен алектенүүгө тыюу салган соттун айыптоочу өкүмү болсо;

8) Улуттук банкка уставдык капиталды түзүүгө жана көбөйтүүгө багытталган акча каражаттарынын келип чыгуу булактары жөнүндө маалыматты бербөө, атап айтканда:

а) берилген маалыматтан акча каражаттарынын келип чыгышын жана булактарын аныктоого мүмкүн эместиги;

б) берилген маалыматка ылайык, акча каражаттарынын келип чыгуу булагы Улуттук банк тарабынан белгиленген талаптарга жана критерийлерге жооп бербейт;

10) мыйзамдарда каралган башка негиздер боюнча;

11) эгерде Улуттук банкка АФУну мамлекеттик каттоодон өткөрүүгө макулдук берүү жөнүндө кат берилген финансылык, укуктук абалынын же башка жагдайлардын кандайдыр бир өзгөрүүсүнө күбө болгон фактылар аныкталса, Улуттук банк лицензия берүүдөн баш тартууга укуктуу.

25. Эгерде, уюштуруучунун (акционердин)/катышуучунун финансылык, укуктук абалы олуттуу өзгөрүүлөргө дуушар болсо же Улуттук банк алардын негизинде адистештирилген финансы уюмун мамлекеттик каттоодон өткөртүүгө макулдук катын берген башка жагдайлар аныкталса, өтүнүч ээси 10 (он) жумуш күнүнөн кечиктирбестен Улуттук банкка ал тууралуу маалымдоого тийиш.

26. Улуттук банк өтүнүч ээсин АФУ лицензиясын берүүгө макулдук берүүдөн баш тартуунун негиздери жөнүндө жазуу жүзүндө билдирүүгө милдеттүү.

4-глава. Адистештирилген финансы уюмунун кызмат адамдарына карата талаптар

27. Директорлор кеңешинин төрагасы жана мүчөлөрү (бар болсо), башкарманын төрагасы менен мүчөлөрүнүн, башкы бухгалтердин, ички контролдоо (аудит) кызматынын жетекчисинин, кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү боюнча ички уюштуруу иш-чараларына жооптуу түзүмдүк бөлүктүн жетекчиси (комплаенс-офицер), АФУнун тобокелдик-менеджеринин кызмат ордуна талапкерлер төмөнкү минималдуу талаптарга жооп бериши зарыл:

1) жогорку билим алгандыгы тууралуу дипломго ээ болууга;

2) төмөнкү багыттарда иш тажрыйбасы болууга:

а) Башкарманын төрагасы кызмат ордуна талапкер - банк жана/же финансы системасында кеминде 5 (беш) жылдык тажрыйбасы болууга, анын ичинде 2 (эки) жыл жетектөөчү кызматта;

б) Директорлор кеңешинин төрагасы кызмат ордуна талапкер - банк жана/же финансы системасында кеминде 3 (үч) жылдык тажрыйбасы болууга, анын ичинде кеминде 1 (бир) жыл жетектөөчү кызматта;

в) Башкарманын мүчөсү жана директорлор кеңешинин мүчөсү кызмат ордуна талапкер - банк жана/же финансы системасында кеминде 3 (үч) жылдык тажрыйбасы болууга;

г) башкы бухгалтердин, ички аудит кызматынын жетекчиси, террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү боюнча ички уюштуруу иштери үчүн жоопкерчиликтүү түзүмдүк бөлүмдүн жетекчиси (комплаенс-офицер) кызмат ордуна талапкер - банк жана/же финансы системасында кеминде 2 (эки) жылдык тажрыйбага ээ болууга;

3) Улуттук банктын негизги ченемдик документтерин кошо алганда, корпоративдик тескөө, банк мыйзамдары, чет өлкө валютасындагы операциялар боюнча мыйзамдар жана алар иштөөгө ниеттенген чөйрө боюнча билимге ээ болууга;

4) АФУнун бизнес-планын жана аны өнүктүрүү стратегиясын билүүгө.

28. Башкы бухгалтер, ички контролдоо (аудит) кызматынын жетекчиси жана кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү боюнча ички уюштуруу иш-чараларына жооптуу түзүмдүк бөлүмдүн жетекчиси (комплаенс-офицер) кызмат ордуна талапкерлер ушул Жобонун 27-пунктунда көрсөтүлгөн талаптарга кошумча төмөнкүлөргө милдеттүү:

1) башкы бухгалтер - Эл аралык бухгалтердик эсепке алуу жана финансылык отчеттуулук стандарттарын билүүгө жана курстан өткөндүгүн (экзамен/тест ж.б. тапшыргандыгын) тастыктаган тиешелүү сертификатка жана башка документтерге ээ болууга;

2) ички контролдоо (аудит) кызматынын жетекчиси - Кыргыз Республикасынын аудит чөйрөсүндө мыйзамдарды, эл аралык аудит стандарттарын, Эл аралык ички аудит стандарттарын билүүгө жана аталган багыттар боюнча терең билим алгандыгын тастыктаган сертификатка (күбөлүккө) ээ болууга, ошондой эле курстан өткөндүгү (экзамен/тест ж.б. тапшыргандыгы) тиешелүү сертификаттар менен тастыкталган Эл аралык финансылык отчеттуулук стандарттарын билүүгө жана аны иште колдонуу тажрыйбасы болууга тийиш;

3) кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү боюнча ички уюштуруу иштери үчүн жоопкерчиликтүү түзүмдүк бөлүмдүн жетекчиси (комплаенс-офицер) - кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү чөйрөсүндөгү Кыргыз Республикасынын мыйзамдарын билүүгө жана тиешелүү сертификаттарга ээ болууга тийиш.

29. Ушул жобонун 25-пунктунда белгиленген кызмат орундарына талапкерлер төмөнкү учурларда көрсөтүлгөн кызмат орундарын ээлей албайт:

1) талапкерлерге карата ошол чечимде белгиленген мөөнөттө финансы-кредит системасында иш менен алектенүүгө тыюу салган соттун айыптоочу өкүмү чыгарылган болсо;

2) талапкерге карата экономика, финансы жана банк ишкердиги чөйрөсүндө, ошондой эле кызматтык иш боюнча кылмыштуулукка жол бергендиги үчүн айыптоо өкүмү чыгарылган болсо. Талапкерге карата чыгарылган айыптоочу өкүмү жоюлса же өтөлгөн болсо, бул пунктчанын талабы таркатылбайт;

3) эгерде алар буга чейин: мажбурлоо тартибинде банкрот катары таанылып, алардын аракеттенүүсү (аракеттенбей коюусу) лицензиянын/күбөлүктүн кайтарылып алынышына алып келгендигин тастыктаган фактылар аныкталган финансы-кредит уюмунун Директорлор кеңешинин төрагасы, анын мүчөлөрү, аудит боюнча комитеттин төрагасы, башкарманын төрагасы, анын мүчөлөрү, башкы бухгалтери, ички аудит кызматынын жетекчиси кызмат ордун ээлеген болсо – финансы-кредит уюмунун лицензиясы/күбөлүгү кайтарылып алынган мөөнөттөн тартып беш жыл ичинде;

4) Улуттук банктын ченемдик укуктук актыларына ылайык талапкердин алгылыксыз ишкердик аброюн тастыктаган кат жүзүндөгү маалымат болсо - бузуу фактылары аныкталган убакыттан тартып беш жыл ичинде;

5) талапкер жооптуу болгон участоктордо финансылык же административдик көйгөйлөрдүн келип чыгышын күбөлөндүргөн жөнгө салуучу органдардын, анын ичинде Улуттук банктын текшерүүлөрүнүн материалдары бар - мыйзам бузуу фактысы бар экендиги жөнүндө чечим кабыл алынган күндөн тартып 5 (беш) жылдын ичинде.

30. Аларга карата кылмыш иши козголгон, Ушул жобонун 27-пунктунда көрсөтүлгөн кызмат орундарына талапкерлердин документтерин кароо, Улуттук банкка мындай маалымат келип түшкөн учурдан тартып токтотулат. Мында Улуттук банк башка талапкерди сунуштоону талап кылууга укуктуу.

31. Ушул жобонун 25-пунктунда көрсөтүлгөн адамдар кандай болбосун такталбаган, толук эмес маалыматтарды сунуштаса же болбосо маалыматты атайылап бурмалоо же ката кетирүү менен сунуштаган болсо, Улуттук банк документтерди кароодон баш тартууга жана башка талапкерди сунуштоону талап кылууга укуктуу.

32. Улуттук банк талапкерлерди ушул Жобонун 27 жана 28-пункттарынын талаптарына ылайык келбеген учурда, ошондой эле ушул Жобонун 27-29-пункттарында көрсөтүлгөн негиздер кийинчерээк аныкталганда, талапкерлерди четтетүүнү талап кылууга укуктуу.

33. Улуттук банк АФУну анын ишенимдүүлүгүнө жана туруктуулугуна коркунуч келтирүүчү иш-аракеттерге аралаштырган, ошондой эле АФУнун мыйзамдарды жана АФУнун ишин жөнгө салуучу ченемдик укуктук актыларды сактабаган фактылары аныкталган учурда, АФУнун кызмат адамдарынын ыйгарым укуктарын токтотууну талап кылууга укуктуу.

34. Директорлор кеңешинин төрагасын жана мүчөлөрүн эске албаганда, ушул Жобонун 27-пунктунда белгиленген АФУнун кызмат адамдарынын Улуттук банктын талаптарына ылайык келүүсү үчүн жоопкерчилик АФУнун башкармасынын төрагасына жүктөлөт.

35. АФУ ушул Жобонун 25-пунктунда көрсөтүлгөн адамдар шайланган/дайындалган учурдан тартып 3 (үч) жумуш күнү ичинде Улуттук банкка кызмат адамдарынын курамындагы өзгөрүүлөр жөнүндө билдирүү жөнөтүүгө тийиш.

36. АФУ талапкер шайланган/дайындалган учурдан тартып 10 (он) жумуш күнү ичинде Улуттук банкка төмөнкү документтер тиркелген катты жөнөтүүгө тийиш:

1) талапкерди шайлоо же милдеттеринен бошотуу жөнүндө чечим кабыл алган ыйгарым укуктуу башкаруу органынын чечиминин күбөлөндүрүлгөн көчүрмөсү;

2) дайындоо жөнүндө буйруктун (токтомдун, тескеменин) АФУнун мөөрү менен күбөлөндүрүлгөн көчүрмөсү;

3) анкета (Жобого 6-тиркеме);

4) талапкердин белгиленген талаптарга ылайык келүүсүн тастыктаган документтер.

37. Документтер белгиленген талаптарга жооп бербеген жана документтердин топтому толук берилбеген учурда, АФУга жеткире иштеп чыгуу жана кемчиликтерди жоюу зарылдыгы жөнүндө кат жөнөтүлөт. АФУ кемчиликтерди эске алуу менен жеткире иштелип чыккан документтерди Улуттук банкка 10 (он) календардык күндөн кечиктирбестен берүүгө тийиш. Эгерде ушул Жобонун талаптарына жооп бербеген же толук эмес көлөмдөгү документтер 2 (эки) жолудан ашык берилсе же белгиленген мөөнөттө берилбесе, АФУнун документтери Улуттук банк тарабынан кароого кабыл алынбашы мүмкүн.

5-глава. Адистештирилген финансы уюмунун уюштуруу документтерине өзгөртүүлөрдү киргизүүнү макулдашуу (мамлекеттик кайра каттоо) тартиби

38. АФУ тиешелүү чечим кабыл алынган учурдан тартып 30 (отуз) календардык күндүн ичинде АФУнун уюштуруу документтерине киргизилген бардык өзгөртүүлөр жөнүндө ыйгарым укуктуу органдын чечиминин АФУнун мөөрү менен күбөлөндүрүлгөн көчүрмөсүн тиркөө менен Улуттук банкка билдирүүгө милдеттүү (акционердик коомдор үчүн: АФУнун акционерлеринин жалпы чогулушунун күн тартибиндеги ар бир маселе боюнча акционерлердин жалпы чогулушунда кабыл алынган чечимдер менен АФУнун акционерлеринин жалпы чогулушунун көз карандысыз каттоочу тарабынан күбөлөндүрүлгөн протоколу).

39. Уюштуруу документтерине өзгөртүүлөрдү жана толуктоолорду киргизүүгө макулдук берүү маселеси, мыйзамдарда белгиленген бардык талаптарды сактоо менен тиешелүү негизде таризделген документтер сунушталган күндөн тартып 30 (отуз) календардык күн ичинде Улуттук банк тарабынан кароого алынат.

40. Уюштуруу документтерине сунушталган өзгөртүүлөр жана толуктоолор төмөнкү учурларда Улуттук банк тарабынан четке кагылышы мүмкүн:

1) уюштуруу документтерине сунушталган өзгөртүүлөрдө жана толуктоолордо мыйзамдарда каралган лицензия берүүдөн баш тартуу негиздери камтылса;

2) АФУ уюштуруу документтерине өзгөртүүлөр жана толуктоолор боюнча Улуттук банктын сын-пикирлерин четтетүүгө тиешелүү жазма буйруктарын аткаруудан баш тартса;

3) Улуттук банктын ченемдик укуктук актыларын кошо алганда, мыйзамдарда каралган башка учурларда.

41. АФУнун уставына киргизилүүчү өзгөртүүлөр жана толуктоолор анын ажырагыс бөлүгү болуп саналат. Уставга киргизилүүчү өзгөртүүлөр жана толуктоолор же болбосо уставдын жаңы редакциясы мыйзамдарда белгиленген тартипте мамлекеттик каттоодон өткөндөн кийин гана күчүнө кирет.

42. Уставга киргизилүүчү, анын ичинде АФУнун аталышын, уставдык капиталынын өлчөмүн ж.б. өзгөртүүгө байланыштуу өзгөртүүлөрдү жана толуктоолорду макулдашуу үчүн АФУ ушул жобонун 38-пунктунда көрсөтүлгөн мөөнөттүн ичинде Улуттук банкка төмөнкү документтерди сунуштайт:

1) уставга өзгөртүүлөрдү киргизүүнү/капитал өлчөмүн көбөйтүүнү/уюмдун аталышын өзгөртүүнү макулдашуу жөнүндө өтүнүч;

2) АФУнун ыйгарым укуктуу органынын чечиминин түп нускасы жана АФУ мөөрү менен күбөлөндүрүлгөн көчүрмөсү (акционердик коомдор үчүн: протокол же уставга киргизиле турган өзгөртүүлөр жөнүндө чечим жөнүндө АФУ акционерлеринин жалпы жыйынынын протоколунан көчүрмө (2 нуска);

3) формага ылайык уставга киргизилген өзгөртүүлөрдүн текстин же болбосо уставдын жаңы редакциясын (2 нускада);

4) акционердик коомдор үчүн: уставдык капиталдын өлчөмү өзгөргөн учурда акционерлердин тизмеси (2 нускада);

5) акционердик коомдор үчүн: уставдык капиталдын өлчөмү өзгөргөн учурда, баалуу кагаздар рыногун жөнгө салуу боюнча ыйгарым укуктуу мамлекеттик органдын мурунку эмиссиясынын (чыгуунун) акцияларды чыгаруунун жыйынтыктарын мамлекеттик каттоо жөнүндө чечиминин көчүрмөсү (2 нуска);

6) уставдык капиталды көбөйтүүгө багытталган акча каражаттардын келип чыгуу булактары жөнүндө маалымат (уставдык капитал өлчөмү көбөйтүлгөн шартта).

43. АФУнун уставдык капиталынын өлчөмүн көбөйтүүгө макулдашуу учурунда Улуттук банк АФУнун уюштуруучуларынын (акционерлеринин)/катышуучуларынын финансылык абалына, уюштуруучулардын (акционерлердин)/катышуучулардын түзүү документтерин жана алардын финансылык жана башка отчетун берүү жөнүндө кошумча маалыматты талап кылышы мүмкүн.

44. Улуттук банк ушул Жобонун 42-пунктунда көрсөтүлгөн документтерди белгиленген талаптарды канааттандырган документтер берилген күндөн тартып 30 (отуз) календардык күн ичинде кароого алат. Эгерде, сунушталган документтер Кыргыз Республикасынын мыйзамдарынын жана Улуттук банктын ченемдик укуктук актыларынын талаптарына ылайык келсе, анда АФУ мамлекеттик кайра каттоого макулдук катын берет.

45. Мыйзамда белгиленген тартипте уюштуруу документтерине өзгөртүүлөр мамлекеттик кайра каттоодон өткөндөн кийин АФУ 5 (беш) жумуш күнү ичинде Улуттук банкка төмөнкү документтерди берет:

1) Юридикалык жактарды каттоо боюнча ыйгарым укуктуу мамлекеттик органда мамлекеттик каттоодон өткөндүгү жөнүндө талаптагыдай күбөлөндүрүлгөн маалым катты (күбөлүктүн көчүрмөсүн);

2) акционердик коомдор үчүн: акциялардын чыгарылышын мамлекеттик каттоо жөнүндө баалуу кагаздар рыногун жөнгө салуу боюнча ыйгарым укуктуу мамлекеттик органдын чечиминин тиешелүү түрдө күбөлөндүрүлгөн көчүрмөсү;

3) көчүрмөсү уставдын жаңы редакциясынын белгиси боюнча ыйгарым укуктуу мамлекеттик органдын каттоо юридикалык жактарды мамлекеттик каттоо жөнүндө мөөрү менен күбөлөндүрүлгөн, ырасталган АФУ.

46. Акционердик коомдор үчүн: АФУ маалымдоого милдеттүү Улуттук банк акыркы каттоонун жыйынтыктары тууралуу баалуу кагаздар эмиссиясынын АФУ мыйзамдарына ылайык баалуу кагаздар жөнүндө 30 (отуз) календарлык күндүн чыгарылыш таанылган учурдан шайлоо өттү деп табылсын жана чыгарылган баалуу кагаздардын жыйынтыгы катталгандан. Кошумча билдирүү тапшырылышы керек:

1) Акционердик коомдор үчүн: акцияларды чыгаруунун жыйынтыктарын каттоо жөнүндө баалуу кагаздар рыногун жөнгө салуу боюнча ыйгарым укуктуу мамлекеттик органдын чечими;

2) акционердик коомдор үчүн: акционерлердин реестринен, реестр кармоочунун колу коюлган, жүргүзүлгөн өзгөртүүлөр жөнүндө көчүрмө же акционерлердин жаңы реестри;

3) Акционердик коомдор үчүн: акционерлердин тизмеси кагаз жүзүндө жана электрондук түрдө.

47. АФУ уставына киргизилген өзгөртүүлөр анын ажырагыс бөлүгү болуп саналат жана мыйзамда белгиленген тартипте алар мамлекеттик каттоодон өткөн күндөн тартып күчүнө кирет.

6-глава. Адистештирилген финансы уюмунун жайгашкан ордунун өзгөрүшү

48. АФУ жайгашкан ордунун (почта дарегинин) өзгөрүшү калктуу пункттун, көчөнүн аталышы, үй номеринин өзгөрүшү, башка калктуу пунктка орун которуу менен шартталышы мүмкүн.

49. АФУ, ал жайгаша турган имаратка менчик укугун тастыктаган документти же ижара (субижара) келишиминин көчүрмөсүн сунуштоо менен жайгашкан ордунун өзгөргөндүгү тууралуу 20 (жыйырма) календардык күн мурда алдын ала Улуттук банкка маалымдоого тийиш.

50. Жайгашкан жери өзгөргөн шартта, АФУ бул тууралуу 5 (беш) жумуш күнү ичинде Улуттук банкка кат жүзүндө маалымдоого милдеттүү. Жобонун ушул пунктунда көрсөтүлгөн кабарлоого кошумча төмөнкү документтер тиркелүүгө тийиш:

1) АФУ, башкаруу органынын уставына ылайык АФУ жайгашкан жеринин дарегин өзгөртүү жөнүндө ыйгарым укуктуу органдын чечими (АФУ тарабынан күбөлөндүрүлгөн көчүрмөсү);

2) жаңы жайга ижара келишиминин же укук белгилөөчү документтин күбөлөндүрүлгөн көчүрмөсү.

51. Жайгашкан орду (почта дареги) айкын өзгөргөндөн кийинки 2 (эки) жумуш күнү ичинде АФУ төмөнкүлөрдү аткарууга тийиш:

1) лицензиянын түп нускасын тиркөө менен Улуттук банкка кат жүзүндө маалымдоого;

2) жалпыга маалымдоо каражаттарында уюмдун жайгашкан орду (юридикалык дареги) өзгөргөндүгү тууралуу маалыматты жарыялоого.

52. АФУ аталышы же калктуу пункт өзгөргөндүгүнө байланыштуу, анын жайгашкан орду өзгөргөн учурда аталган уюмдун лицензиясы алмаштырылууга (кайра тариздетилүүгө) тийиш.

53. АФУ аталышы өзгөргөндө, башка калктуу пунктка орун которгондо, ошондой эле уюм жайгашкан калктуу пункттун аталышы өзгөргөн учурда, жогоруда белгиленген маалыматтарды тастыктаган тиешелүү документтерди кошо тиркөө менен лицензияны алмаштыруу (кайра тариздөө) жөнүндө өтүнүч кат Улуттук банкка сунушталат.

54. Билдирме сунушталган учурдан кийинки 5 (беш) жумуш күнү ичинде Улуттук банк АФУ лицензиясын кайра тариздейт.

7-глава. Адистештирилген финансы уюмунун жоюу

55. АФУ Кыргыз Республикасынын мыйзамдарына ылайык жоюлушу мүмкүн. Мында АФУ өз эрки боюнча жоюлуу чечимин кабыл алган учурдан кийинки 3 (үч) жумуш күнү ичинде лицензиянын (лицензиялардын) түп нускасын (түп нускаларын) Улуттук банкка тапшырууга жана жоюу чечими кабыл алынган учурдан тартып лицензияда (лицензияларда) каралган операцияларды жүзөгө ашырууну токтотууга тийиш.

56. АФУ Улуттук банктын лицензияны кайтарып алуу чечимин алгандан кийинки 3 (үч) күн ичинде түп нускасын Улуттук банкка тапшырууга тийиш, ал эми 1 (бир) айдын ичинде Улуттук банктын башка чечими жок болсо, соттон тышкаркы тартипте жоюу жол - жобосун баштоого тийиш.

АФУ ушул пункттун талаптарын аткарбаса же талапка ылайык аткарбаган шартта, Улуттук банк АФУ мажбурлап жоюу талабы менен сот органдарына кайрылууга укуктуу.

57. АФУ жоюу милдети АФУнун уставы аркылуу ыйгарым укук берилген башкаруу органына жүктөлөт.

58. АФУ төлөөгө жөндөмсүз болгон шартта, ал банкроттук жөнүндө мыйзамга ылайык жоюлууга тийиш.

8-глава. Улуттук банктын чечимдерине даттануу тартиби

59. Ушул Жобонун алкагында Улуттук банк тарабынан кабыл алынган чечимдерге, Кыргыз Республикасынын банктык мыйзамдарына ылайык, анын ичинде сотко чейинки даттануу тартибин милдеттүү түрдө сактоо менен, аларга карата чечим кабыл алынган же кызыкчылыктарына таасир эткен АФУ башка кызыкдар жактар даттануу менен кайрылышы мүмкүн.

Адистештирилген финансы уюмуна түзүүгө макулдук берүү жөнүндө ӨТҮНҮЧ

Ушул аркылуу _____________________ (АФУнун толук аталышы) төмөнкү операцияларды жүргүзүү үчүн ААК/ЖАК/ЖЧК түзүүгө уруксат берүүнү өтүнөт.

- _____________________________________________________________________

- _____________________________________________________________________

- _____________________________________________________________________

(операциялардын тизмеги көрсөтүлөт)

АФУнун толук юридикалык дареги: __________________________________

Уюштуруучулар тобунун өкүлүнүн аты-жөнү

Өкүлүнүн дареги

Телефону _________________ Факсы ____________________

5. Капиталдын болжолдонгон түзүмү:

- акциялардын саны/капиталдагы үлүшү

- чыгарылуучу акциялардын жалпы наркы/капиталдагы үлүштөр

Уюштуруучулар/катышуучулар, сунушталган маалыматтардын аныктыгы үчүн толугу менен жоопкерчилик тартышат.

Уюштуруу документтери _____ барактан турат.

Уюштуруучулардын (акционерлер)/катышуучулардын ТИЗМЕГИ

________________________________________________________ (АФУнун бекитилген уставына ылайык аталышы)

_________________________________________ карата абал боюнча

Директорлор кеңешинин төрагасынын (башкарманын төрагасы) (кол тамгасы) аты-жөнү

Мөөрү (жаңыдан түзүлгөн АФУ үчүн - Директорлор кеңешинин төрагасы шайланган юридикалык жактын мөөрү (башкарманын төрагасы)).

Эскертүү:

1) лицензия алуу үчүн 1-7-графалар толтурулат;

2) иштеп жаткан АФУ уставдык капиталынын өлчөмү өзгөргөн шартта, бардык графалар толтурулат;

3) уюштуруучулар(акционерлер)/катышуучулар алфавиттик тартипте көрсөтүлүүгө тийиш.

АФУнун уюштуруучулары (акционерлери)/катышуучулары жөнүндө МААЛЫМАТ

________________________________________________________ (АФУ бекитилген уставына ылайык аталышы)

_________________________________________ карата абал боюнча (маалыматтар түзүлгөн күн)

Директорлор кеңешинин төрагасы _____________________________ (кол тамгасы) (аты-жөнү)

Мөөрү (жаңыдан түзүлгөн АФУ үчүн - Директорлор кеңешинин/башкарманын төрагасы шайланган юридикалык жактын уюштуруучусунун мөөрү).

Эскертүү:

(*) - Мында, толук аталышынан тышкары (аты-жөнү) төмөнкүлөр көрсөтүлөт:

1) юридикалык жактар боюнча - почта дареги, телефон номери, эсеп (эсептер) ачылган финансы-кредит уюмунун (уюмдардын) аталышын көрсөтүү менен эсептешүү эсебинин (эсептеринин) номери жана Кыргыз Республикасынын жарандары үчүн салык төлөөчүнүн идентификациялык номери жана Идентификациялык номер;

2) жеке адамдар боюнча - паспорттогу маалыматтар, үй дареги жана салык төлөөчүнүн идентификациялык номери.

КЫРГЫЗ РЕСПУБЛИКАСЫНЫН УЛУТТУК БАНКЫ

Айрым банктык операцияларды жүргүзүү укугуна № ________________ ЛИЦЕНЗИЯСЫ

_______________________________________________________________ (юридикалык жактын толук фирмалык аталышы)

_______________________________________________________________ (юридикалык жактын кыскартылган фирмалык аталышы)

________________________ ш.

1. Кыргыз Республикасынын банктык мыйзамдарына ылайык уруксат берилген банк операцияларынын тизмегинде келтирилген айрым банктык операцияларды жүргүзүү укугуна ээ.

2. Уруксат берилген банк операцияларынын тизмеги ушул лицензиянын ажырагыс бөлүгү болуп саналат.

Бул лицензия ага кол койгон учурдан тартып күчүнө кирет. Лицензия ээликтен ажыратылгыс, мөөнөтсүз болуп саналат.

Лицензия (жылы, айы, күнү) катталган.

№ ________________________ бланктын сериясы _______________________

Төраганын орун басары/Улуттук банк

Башкармасынын мүчөсү ________________________ Аты-жөнү, кол тамгасы

Улуттук банктын мөөрү

Айрым банктык операцияларды жүргүзүү укугуна _______________________________________________ (юридикалык жактын толук аталышы) (жылы, айы, күнү) берилген № _____________ лицензиясына карата уруксат берилген банктык операциялардын

ТИЗМЕГИ

№ _______________ банктын сериясы __________________________

Төраганын орун басары/Улуттук банк Башкармасынын мүчөсү________________________________________ Аты-жөнү, кол тамгасы

Улуттук банктын мөөрү

Сүрөт үчүн

АНКЕТА

Ар башка окуу борборлору тарабынан өткөрүлгөн курстарда окутуудан өтүү ______

11. Эмгек жолу башталгандан тартып иштеген жери

12. Акыркы 10 жыл ичинде Сиз мурда уюштуруучусу, акционери (ээси) болгон жана/же учурда уюштуруучусу, акционери (ээси) болгон кайсы болбосун өлкөдөгү компанияны көрсөтүңүз:

18. Кимдир бирөөлөр алдында ссуда (башка милдеттенмелер) боюнча карызыңыз болсо, ар бир карыз (милдеттенме) боюнча төмөнкүдөй маалыматтарды көрсөтүңүз:

19. Учурда Сиз кандайдыр бир соттук териштирүү иштерине катыштыгыңыз болгон болсо, ал боюнча түшүндүрмө бериңиз ______________________________

20. Төмөнкүлөр боюнча маалымат бериңиз:

1. 20___-жылдын "__" __________ карата абал боюнча активдер жана милдеттенмелер жөнүндө жеке отчёт

1. 1-таблица (валютаны көрсөтүңүз)

2. 2-таблица (валютаны көрсөткүлө)

2. 2-таблица (валютаны көрсөткүлө)

Бардыгы болуп:

3. 3-таблица (валютаны көрсөткүлө)

21. Үй-бүлөлүк абалы

Жакын туугандарыңызды (ата-энеңизди, жубайыңызды, ага-иниңизди, эже-сиңдиңизди, чоң ата, чоң энеңизди) көрсөтүңүз: _________________________

22. Сиз кызмат ордуна талапкерлигиңизди сунуштаган АФУ менен кандай байланышыңыз бар экендиги тууралуу толук маалымат бериңиз. Мындан тышкары, кызмат ордуна макулдашуу учурунда кароого алуу маанилүү деп саналган кандай болбосун башка маалыматты көрсөтүңүз.

Мен, ______________________________________________________________ (аты-жөнүңүз)

анкетада жогоруда көрсөтүлгөн маалыматтар анык жана толук экендигин жана анда камтылган маалыматтар менин билимиме жана маалыматтарга ылайык сунушталгандыгын тастыктайм. Мен тараптан атайлап бурмалоолор жана кемчиликтер кетирилген шартта, бул сунушталган кызмат ордуна макулдашууда негиз болушу мүмкүн экендигин жана ал мыйзам актыларына ылайык жоопкерчилик тартууга алып келиши мүмкүн экендигин толук түшүнөм.

_____________________ 20__-жылдын "___" _____________ (кол тамгасы, күнү)

Эскертүү:

1) анкетанын ар бир бетине кол коюу зарыл;

2) анкетага оңдоолор киргизилген шартта, "оңдоолор киргизилди" деген сөздөр жазылып, ал талапкердин кол тамгасы менен тастыкталат.

Жеке маалыматтарды топтоого жана иштеп чыгууга субъекттин макулдугу

Калктуу пункт ___________________________________, 20____-жылдын "__"___________

Мен, _________________________________________________________________________

(аты-жөнү)

_____________________________________________________________________________

дареги боюнча жашаган,

Инсандыгын күбөлөндүргөн документтин сериясы: _______________, № ______ ______

(документтин түрү)

берилди ______________________________________________________________________

(берилген күнү, ким тарабынан берилген)

Ишенимдүү өкүлдөр үчүн

__________________________________________________ атынан иш алып барган

(аты-жөнү)

_________________________________________________________________________

дареги боюнча жашаган,

Инсандыгын күбөлөндүргөн документтин сериясы: _____________, № ______ ______

(документтин түрү)

берилди _________________________________________________________________

(берилген күнү, ким тарабынан берилген)

________________________________________________________________ негизинде

(ишеним каттын, мыйзамдын, башка укуктук акттын)

Кыргыз Республикасынын Улуттук банкына өз эрким боюнча, толук түшүнүү менен төмөнкүлөрдү аткарууга толук жана шартсыз макулдугумду берем:

- иштеп чыгууга (аткаруу ыкмасына карабастан Кыргыз Республикасынын Улуттук банкы тарабынан же анын тапшырмасы боюнча жеке маалыматтарды топтоо, жазуу, сактоо, актуалдаштыруу, топтоштуруу, бөгөт коюу, өчүрүү жана бузуу максатында автоматтык каражаттар менен же аларсыз аткарылган кандай болбосун операция же операциялардын топтому), ошондой эле:

- жеке маалыматтардын берилишине (Кыргыз Республикасынын Улуттук банкы тарабынан Кыргыз Республикасынын жеке маалыматтарды иштетүүнү жөнгө салуучу Кыргыз Республикасынын мыйзамдарынын талаптары менен жана эл аралык келишимдерге ылайык сунушталышына);

- банк мыйзамдарына ылайык жеке өзүм берүүгө тиешелүү болгон бардык жеке маалыматтардын чек ара аркылуу берилишине (жеке маалыматтардын Улуттук банк тарабынан башка мамлекеттин юрисдикциясына кирген маалымат топтоочуларына берилишине).

Жогоруда белгиленген макулдук берүү төмөнкү жеке маалыматтарга: аты-жөнүмө (мурдагы аты-жөнүм өзгөртүлгөн күн жана ага түрткү берген себептер) (өзгөртүлгөн болсо); төрөлгөн жерим жана төрөлгөн күнүмө; жарандыгым тууралуу маалыматтарга (анын ичинде мурдагы жарандыгым, башка жарандыкты алгандыгым); алган билим тууралуу маалыматтарга (билим берүү мекемесинин аталышы, окууну бүткөн жыл, билимге, квалификацияга ээ болгон, кайра даярдыктан өткөн багыт же документ боюнча алган билимим); илимий даражага ээ экендигим тууралуу маалыматтарга, чет тилдерди кандай деңгээлде билүүгө тиешелүү маалыматтарга, жашаган жеримдин дарегине (келген жеримдин дареги); байланыш телефон номерлериме жана башка байланыш каналдары боюнча маалыматтарга; инсандыгымды тастыктаган документтин түрүнө, сериясына, номерине, ошол документти берген органдын аталышына, документ берилген күнгө; салык төлөөчүнүн идентификациялык номерине; үй-бүлөлүк абалыма, үй-бүлө курамына, жакын туугандарыма тиешелүү маалыматтарга; эмгек жолума тиешелүү маалыматтарга (аскердик кызмат өтөө, эки ишти айкалышта аткаруу, ишкердик иш, кызмат көрсөтүүнү сунуштоо келишиминин негизинде иштеген ишке тиешелүү); мамлекеттик сыйлыктарга, башка сыйлыктарга, артыкчылык белгилерине (ким тарабынан жана качан берилген) ээ болгондугума тиешелүү маалыматтарга; соттолгондугум же болбосо соттолбогондугум тууралуу маалыматтарга, анын ичинде мыйзам бузууларга, алгылыксыз иштерге жол бергендигим үчүн мага карата колдонулган тартип жаза чарасы, административдик жоопкерчилик чаралары жөнүндө маалыматтарга; кирешелер, чыгашалар, мүлкүм жөнүндө маалыматтарга, ошондой эле мүлктүк милдеттенмелерге тиешелүү маалыматтарга, сүрөтүмдүн берилишине да тиешелүү болуп саналат.

Жогоруда көрсөтүлгөн жеке маалыматтарды Улуттук банк банк мыйзамдарында каралган лицензиялоо жол-жобосун ишке ашыруусу максатында (анын ичинде кызмат адамдарын макулдашуу, мамлекеттик каттоого (кайра каттоого) макулдук берүү,) иштеп чыгуу үчүн сунуштайм.

Жеке маалыматтардын иштелип чыгышына макулдук берүү мөөнөтсүз болуп саналат (көзөмөлдөө жана лицензиялоо максатында туруктуу колдонулат) жана макулдук берүүгө кол коюлган күндөн тартып колдонула баштайт.