КАРА-ТАШ АЙЫЛДЫК КЕҢЕШИНИН

ТОКТОМУ

Кыргыз Республикасы Ош облусу Ноокат району Кара-Таш айылдык кенешинин алтынчы чакырылышынын кезексиз XХXX-cессиясы

2021-жылдын 5-февралы № 2

“CASA-1000” долбоорун ишке ашыруу үчүн жер участокторун “Айыл чарба багытындагы” жерлер категориясынан “Өнөр жайынын, транспорттун, байланыштын, энергетиканын, коргонуунун жерлери жана башка багыттагы жерлер” категориясына которуу (трансформациялоо) жөнундөгү Кара-Таш айыл кеңешинин 2020-жылдын 13-мартындагы кезексиз 36-сессиясынын №2-токтомуна өзгөртүүлөрдү жана толуктоолорду киргизүү жөнүндө

“CASA-1000” долбоорун ишке ашыруу жөнүндө Кыргыз Республикасынын Өкмөтүнүн 2020-жылдын 20-февралындагы №105-токтомунун негизинде, Кыргыз Республикасынын 2020-жылдын 26-декабрындагы №12 “Инвестицияларды колдоо маселелери боюнча айрым мыйзам актыларына өзгөртүүлөрдү киргизүү жөнүндөгү” Мыйзамына ылайык Кара-Таш айылдык Кенеши

ТОКТОМ КЫЛАТ:

1. Кара-Таш айыл аймагынан өтүүчү “CASA-1000” долбоорун ишке ашыруу үчүн 11 даана электр аба чубалгысынын тирөөчтөрүн орнотуу үчүн №840,864,869,870а,56,51,52,373,28,21,214 контурларында жайгашкан жалпы 3751 чарчы метр мамлекеттик менчикте турган сугат айдоо жер участокторун, жалпы 5396 чарчы метр мамлекеттик менчикте турган кайрак айдоо жер участокторун “Айыл чарба багытындагы” жерлер категориясынан “Өнөр жайынын, транспорттун, байланыштын, энергетиканын, коргонуунун жерлери жана башка багыттагы жерлер” категориясына которууга (трансформациялоого) макулдук берилсин.

2. Кара-Таш айыл өкмөтүнүн жер адиси Б.Баатыровго долбоордун алкагында мыйзамдуу иштерди алып баруу жагы милдеттендирилсин.

3. Ушул токтомдун аткарылышын көзөмөлдөө жагы Кара-Таш айыл өкмөтүнүн башчысы Б.Кааровго тапшырылсын.