КЫРГЫЗ РЕСПУБЛИКАСЫНЫН МЫЙЗАМЫ

2026-жылдын 28-июлу № 131

«Өзгөчө корголуучу жаратылыш аймактары жөнүндө»

Кыргыз Республикасынын Мыйзамына өзгөртүүлөрдү киргизүү тууралуу

1-берене

«Өзгөчө корголуучу жаратылыш аймактары жөнүндө» Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2011-ж., № 5, 377-ст.) төмөнкүдөй өзгөртүүлөр киргизилсин:

1) 2-беренеде:

а) отуз биринчи абзац төмөнкүдөй редакцияда баяндалсын:

«геологиялык объект – геологиялык мурастын бир бөлүгү катары өзгөчө илимий, билим берүүчү жана эстетикалык баалуулукка ээ болгон өзүнчө табигый ландшафт, тоо тектеринин чыгышы, үңкүр, казылып алынуучу флоранын жана фаунанын жайгашкан жери же башка түзүлүш;»;

б) отуз экинчи абзацта «геологиялык парктар (геопарктар)» деген сөздөр «геопарктардын геологиялык объекттери» деген сөздөргө алмаштырылсын;

2) 5-берененин 3-бөлүгүнүн он үчүнчү абзацы күчүн жоготту деп таанылсын;

3) 6-берененин 1-бөлүгүндө «геологиялык парктар (геопарктар)» деген сөздөр «геопарктардын геологиялык объекттери» деген сөздөргө алмаштырылсын;

4) 23² жана 23³-беренелер күчүн жоготту деп таанылсын.

2-берене

Ушул Мыйзам расмий жарыяланган күндөн тартып он күн өткөндөн кийин күчүнө кирет.

Кыргыз Республикасынын Министрлер Кабинети алты айлык мөөнөттө өзүнүн ченемдик укуктук актыларын ушул Мыйзамга ылайык келтирсин.