МАЙЛУУ-СУУ ШААРДЫК КЕҢЕШИ

ТОКТОМ

Майлуу-Суу шаардык кеңешинин IХ чакырылышынын кезектеги ХХIV сессиясы

2024-жылдын 14-февралы №24-9-3

“Майлуу-Суу шаарынын 2024-жылга бюджетин жана 2025-2026-жылдарга пландык мезгилин бекитүү жөнүндө”      

   Майлуу-Суу шаардык Кеңештин депутатарынын 2024-жылга жумуш планына ылайык, Майлуу-Суу шаарынын бюджетинин 2024-жылга бекитилишин жана 2025-2026-жылдарга мезгилдик планын карап чыгып, талкуулап, бюджет, каражат жана инвестицияларды тартуу боюнча туруктуу комиссиясынын чечимин жана депутаттардын сунуштарын эске алып Майлуу-Суу шаардык кенештин IX-чакырылышынын кезектеги XXIV-сессиясы

                                          ТОКТОМ КЫЛАТ:

1. Майлуу-Суу шаарынын 2024-жылга жергиликтүү бюджети кирешелери жана чыгашалары боюнча 113740,2 миң сом, анын ичинде бюджеттик каражаттар 99832,1 миң сом, атайын каражаттары боюнча 13908,1 миң сом суммасында № 1,3,4-тиркемелерине ылайык бекитилсин.

1. Майлуу-Суу шаарынын 2024-2025-жылдарга мезгилдик планынын негизги параметрлери №2-тиркемеге ылайык төмөнкү суммада бекитилсин:

-2025-жылга 124 168,5 миң сом;

-2026-жылга 139 298,5 миң сом.

1. Майлуу-Суу шаарынын Мэриясы 2025-2026-жылдарга болгон мезгилдик планынын негизги параметрлерин, аларды ар бир жылда карап чыгып жатканда кайрадан иштеп чыгуусуна укугу бар.

1. Жалпы мамлекеттик салыктардан чегерүүлөрдүн ченеми “Кыргыз Республикасынын 2024-жылга Республикалык бюджеттен жана 2025-2026-жылдарга пландык мезгили жөнүндө” КРнын мыйзамынын 10-беренесине ылайык бекитилсин.

1. Шаардык бюджеттин чыгаша бөлүгү 2024-жылга түшкөн кирешелердин чегинде биринчи кезекте корголгон беренелерге (эмгек акы, социалдык фондго чегерүү, дары дармек, тамак-аш жана социалдык жеңилдиктер) жана коммуналдык чыгымдарга каржылануусу белгиленсин. Чыгашалардын корголгон беренелерин туура жана так колдонуу, электр энергия жана жылуулук энергиянын лимиттерин сактоо жоопкерчилиги бюджеттик мекемелердин жетекчилерине жүктөлсүн.

1. Бюджеттик мекемелерге атайын каражаттардын Казына тутумунан сырткары колдонууга тыюу салынсын. Көрсөтүлгөн тартип бузулганда атайын каражаттын 100 пайызы жергиликтүү бюджеттин киреше бөлүгүнө алынсын.

1. 2024-жылдын чыгаша бөлүгүнө каралсын жана бекитилсин:

Шаардык билим берүү бѳлүмүнѳ:

-          №8 “Акылай” мектепке чейинки билим берүү уюмунун аш канасындагы электр мэшинин комфоркаларын алмаштырууга –128,0 миң сом;

Шаардык мэрияга:

-          Майлуу-Суу ш. коомдук кабылдамаларды видеокѳзѳмѳл жана аудио жабдуулар менен камсыз кылууга – 175,0 миң сом;

Шаардык маданият бѳлүмүнѳ:

-          Майлуу-Суу ш. маданият бѳлүмүнѳ керектелүүчү инвентарларды сатып алууга – 226,0 миң сом.

Шаардык билим берүү бѳлүмүнѳ:

-          7 мектептин медайымдарына кошумча тѳлѳмдѳр үчүн (1760 сом ар айына 9 ай);

-          Кара-Жыгач айылында жашаган мектеп окуучуларына жол кире үчүн компенсация 85,7 миң сом;

-          “Мугалимдердин статусу жѳнүндѳ” мыйзамдын алкагында ЖОЖдордо сырттан окуган жаш адистерге контракттын 50% тѳлѳп берүү жагын бюджетте каралган.

-          Мугалимдерди медициналык кароодон ѳткѳрүү үчүн (медосмотр) 50% ѳлчѳмүндѳ тѳлѳѳгѳ.

          Шаардын муниципалдык башкармалыгына:

-          Сибирь жарасынын очокторун дезинфекциялоого жана оңдоого 160,0 миң сом;

-          Муниципалдык менчикке мамлекеттик күбѳлүктѳрдү жана техникалык паспортторду даярдоо боюнча Кадастр кызматын тѳлѳѳгѳ 200,0 миң сом;

-          Эпидемиологиялык жана эпизоотиялык фонд 40,0 миң сом.

Аймактык коомдук ѳз алдынча башкарууларга (ТОС):

-          Аксакалдар сотуна, Аксакалдар Кеңешине жана аялдар Кеңешине материалдык жардам 100,0 миң сом.

2024-жылдын бюджетинде “Горжилзеленстрой” муниципалдык иш канасынын эмгек акысы – 10115,1 миң сом жана штаттык саны – 55,25 бирдик, ТОС “Кашка-Терек” эмгек акысы – 447,1 миң сом жана штаттык саны – 1,5 бирдик, ТОС “Берде-Сай” эмгек акысына - 458,4 миң сом жана штаттык саны – 1,5 бирдик, шаардык муниципалдык башкармалыгынын эмгек акысы – 5695,1 миң сом жана штаттык саны – 17 бирдик менен бекитилсин.

1. Мэрдин резервтик фонду 1000,0 миң сом өлчөмүндө бекитилсин.

1. Жылуулук берүү, башка карыздарды төлөөгө берилүүчү каражаттарды тартуу боюнча Мэрияга, Муниципалдык менчик башкармалыгына (ММБ), Мамлекеттик салык кызматынын Майлуу-Суу шаардык башкармалыгына жана Финансы министрлигинин Майлуу-Суу шаардык башкармалыгына жыл ичинде бюджеттин кошумча киреше булактарын табуу милдеттендирилсин.

1. 2024-жылдын 01-январына калган акча каражатынын калдыгынын эсебинен 16160,0 миң сом бекитилсин (тиркеме №5 ). Анын ичинен:

-          1460,7 миң сом акча каражаты жүгүртүлүүчү кассалык накталай акчага;

-          1600,0 миӊ сом шаарды өнүктүрүү боюнча мэрия аркылуу түрткү берүүчү гранттарга кошумча каржылоого;

-          2340,0 миң сом мэрияга региондорду ѳнүктүрүү фондунун долбоорунун алкагында атайын техникаларды сатып алууга кошумча каржылоого;

-          Шаардык муниципалдык башкармалыгына жалпы 3427,9 миң сом:

·         жолдорду оңдоого – 1747,9 миң сом;

·         муниципалдык жерлерди инвентаризациялоого – 1180,0 миң сом.

-          Шаардык салык кызматына электр тармактарын оңдоого жана эмеректерди алууга – 500,0 миң сом;

-          Өзгөчө кырдаалдар фондуна 2024-жылга 800,0 миң сом бекитилсин;

-          ШБББүнүн жана мэриянын жылуулук энергиясына (Жылуулук менен камсыз кылуу ишканасына)) болгон кредитордук карызын төлөө үчүн 6531,4 миң сом.

1. Бюджеттик мекемелердин атайын каражат боюнча 01.01.2024-ж. калдыктары 528,3 миӊ сом суммасында бекитилсин (тиркеме №6).

12. Токтомдун аткарылышы Майлуу-Суу шаарынын мэриясына жүктөлсүн.

1. Ушул токтом катталсын жана Кыргыз Республикасынын укуктук ченемдик актыларынын Мамлекеттик реестрине киргизүү үчүн Кыргыз Республикасынын юстиция министрлигине жөнөтүлсүн .

1. Бул токтомдун аткарылышын контролдоо шаардык кеңештин бюджет, каражат жана инвестицияларды тартуу боюнча туруктуу комиссиясына жүктөлсүн.