КЫЗ-КӨЛ АЙЫЛДЫК КЕҢЕШИ

ТОКТОМ

Кыз-Көл айыл аймагынын айылдык Кеңешинин кезектеги

IV сессиясынын

2025-жылдын 29-апрелиндеги №4

Ыксыз чыгымдарды кыскартуу жөнүндө

Кыргыз Республикасынын Президентинин 2022-жылдын 24-февралындагы №54- Жарлыгынын негизинде Кыз-Көл айыл аймагынын айылдык кеңешинде 2022-жылдын 5-августунда чыгарылган №1-токтомун карап, талкуулап Кыз-Көл айыл аймагынын айылдык кеңешинин кезектеги IV сессиясы

ТОКТОМ КЫЛАТ:

1.Улуттук каада-салттарды, маарекелерди өткөрүүдө ыксыз чыгымдарды кыскартуу максатында төмөнкүлөргө чектөө киргизилсин.

-Маркумду акыркы сапарга узатууда көп сандаган мал союлбасын, дасторконго

коюлуучу салат, кургак жемиштер, мөмө жемиштер, ар кандай суусундуктар

коюлбасын.

-Сарпай кийгизүү, севет көтөрүү жөнгө салынсын.

-Үйлөнүү тойлорунда, бешик тойлордо, өкүл атанын сарпай кийгизүү, севет

 киргизүүсү чектелсин. 

-Үйлөнүү тоюнда машиналардын саны 3төн ашырылбасын.

-Ар бир айылдан шайланган бийлер айыл өкмөтүндө катталсын.

-Жер-жерлерде өтүлүүчү маарекелер бийлердин башкаруусунда өткөрүлсүн.

2.Бул токтомду Кыргыз Республикасынын ченемдик укуктук актларынын мамлекеттик реестрине жайгаштыруу үчүн Жалал-Абад облусунун юстиция башкармалыгына жөнөтүлсүн.

3.Аталган токтом Кыз-Көл айыл өкмөтүнүн расмий сайтына жарыяланып, Кыргыз Республикасынын ченемдик укуктук актларынын мамлекеттик реестрине жайгаштырылгандан кийин мыйзамдуу күчүнө кирет.

4.Бул токтомдун аткарылышын көзөмөлдөө жагы Кыз-Көл айыл аймагынын айылдык кеңешинин социалдык, коомдук жана эл аралык уюмдар менен байланыш боюнча туруктуу комиссиясына жүктөлсүн.

5.Токтомду аткаруу жагы айыл өкмөтүнүн башчысы Н.Караевке жүктөлсүн.