КЫЗ-КӨЛ АЙЫЛДЫК КЕҢЕШИ

ТОКТОМ

Кыз-Көл айыл аймагынын айылдык Кеңешинин кезектеги

IV сессиясынын

2025-жылдын 29-апрелиндеги №5

Жаштар арасында кылмыштуулукту жоюу жөнүндө

Кыз-Көл айыл аймагынын айыл өкмөтүнө караштуу тургундарынын Элдик жыйынынын протоколунун негизинде Кыз-Көл айыл аймагынын айылдык кеңешинин кезектеги IV сессиясы

ТОКТОМ КЫЛАТ:

1. Жаштар арасында кылмыштуулуктун, мектеп рекетчилигинин алдын алуу, жаштар менен иш алып барууну күчөтүү, жаштардын билимге кызыгуусун артыруу максатында төмөнкүлөр боюнча иш алып барылсын.

-Ата-эненин жоопкерчилиги күчөтүлсүн;

-Укук коргоо органдары менен биргеликте түнкү көзөмөл бир айда эки жолу

жүргүзүлсүн;

-Айылдардагы мектеп окуучулар арасында спорттук оюндарды өткөрүп туруу

жагы мектеп жетекчилерине жана С.Жапарбаев спорт мектебине жүктөлсүн.

2.Мектеп жашындагы жаш өспүрүмдөрдү интернет оюндарынан чыгаруу максатында ата-энелерге баланын телефондо отуруу убактысына чектөө сунушталсын.

3.Бул токтомду Кыргыз Республикасынын ченемдик укуктук актларынын мамлекеттик реестрине жайгаштыруу үчүн Жалал-Абад облусунун юстиция башкармалыгына жөнөтүлсүн.

4.Аталган токтом Кыз-Көл айыл өкмөтүнүн расмий сайтына жарыяланып, Кыргыз Республикасынын ченемдик укуктук актларынын мамлекеттик реестрине жайгаштырылгандан кийин мыйзамдуу күчүнө кирет.

5.Бул токтомдун аткарылышын көзөмөлдөө жагы Кыз-Көл айыл аймагынын айылдык кеңешинин социалдык, коомдук жана эл аралык уюмдар менен байланыш боюнча туруктуу комиссиясына жүктөлсүн

6.Токтомду аткаруу жагы айыл өкмөтүнүн башчысы Н.Караевке жүктөлсүн.