КУЛУНДУ АЙЫЛДЫК КЕӉЕШИ

ТОКТОМ

Кулунду айылдык Кеңешинин VIII чакырылышынын кезектеги XV-сессиясы

2026-жылдын 27-марты № 130

“Скай Мобайл” (Тм Билайн) Жоопкерчилиги чектелген коомдун (ЖЧК) уюлдук байланыш түйүнүн орнотууга жер тилкесин ажыратуу жөнүндө”

Кулунду айылдык кеңешинин Айыл чарба, өнөр жай, жерге жайгаштыруу, экология жана жаратылышты коргоо боюнча туруктуу комиссиясынын төрагасы Б. Абдуллатип уулунун баяндамасын жана Кулунду айыл өкмөтүнүн жер адиси Д. Жумабай уулунун маалыматын угуп, айылдык кеңештин кезектеги ХV сессиясынын отуруму күн тартибиндеги маселелерди карап талкуулап, Кулунду айылдык кенеши ХV сессиясынын отурумунун №15-протоколунун чечиминин 3-бөлүмүнүн 10-пунктунун негизинде

ТОКТОМ КЫЛАТ:

1. Кулунду айыл аймагына караштуу Интернационал айылынын тургундарынын жашоо шартын  жакшыртуу жана үзгүлтүксүз байланышта болуусу үчүн, Интернационал айылындагы Кулунду стадиондун чыгыш тарабындагы бурчуна 25 чарчы метр жер тилкесине “Скай Мобайл” (Тм Билайн) Жоопкерчилиги чектелген коомдун (ЖЧК) уюлдук байланыш түйүнүн орнотууга макулдук берилсин.
2. Ушул токтомдун аткарылышы Кулунду айыл өкмөтүнүн башчысына милдеттендирилсин.
3. Токтомдун аткарылышын көзөмөлдөө жагы Кулунду айылдык кеңешинин Айыл чарба, өнөр жай, жерге жайгаштыруу, экология жана жаратылышты коргоо боюнча туруктуу комиссиясына жүктөлсүн.