КУЛУНДУ АЙЫЛДЫК КЕӉЕШИ

ТОКТОМ

Кулунду айылдык Кеңешинин VIII чакырылышынын кезектеги XVI-сессиясы

2026-жылдын 28-июлу № 157

   “Кулунду айылына  Мамлекеттик-жеке өнөктөштүк менен биргеликте жөө жүргүнчүлөр үчүн жер астын казып жол өткөрүүгө (подземка)  макулдук берүү жөнүндө”

 Кыргыз Республикасынын Мамлекеттик-жеке өнөктөштүктүн мыйзамынын 3-беренесине ылайык, ошондой эле Айыл чарба, өнөр жай, жерге жайгаштыруу, экология жана жаратылышты коргоо боюнча туруктуу комиссиянын корутундуларын угуп жана талкуулап чыгып Кулунду айылдык кеңешинин кезектеги XVI сессиясынын отурумунун №16 протоколунун чечиминин  2-бөлүмүнүн 8-пунктунун негизинде, Кулунду айылдык кеңеши токтом кылат:

1. Кулунду айылынын борборунда Ч.Айтматов көчөсүндө жеке жактардын өздүк эсебинин колдоосу менен жөө жүргүнчүлөр үчүн жер астын казып жол өткөрүүгө (подземка) макулдук берилсин.
2. Ушул токтомдун аткарылышы Кулунду айыл өкмөтүнүн башчысына милдеттендирилсин.
3. Бул токтом Кулунду айыл өкмөтүнүн https://www.kulundu.gov.kg  расмий веб-сайтында жарыялансын.
4. Айылдык кеңештин жооптуу катчысы  бул токтомду каттоого алсын жана токтомдун көчүрмөсү тиркемелери менен бирге ченемдик укуктук актылар Мамлекеттик реестрине киргизүү үчүн Кыргыз Республикасынын юстиция Министрлигинин Баткен облустук башкармалыгына жөнөтүлсүн.
5.  Бул токтом Кыргыз Республикасынын ченемдик укуктук актыларынын Мамлекеттик реестрине киргизилген күндөн тартып күчүнө кирет.
6. Бул токтомдун аткарылышын контролдоо Айыл чарба, өнөр жай, жерге жайгаштыруу, экология жана жаратылышты коргоо боюнча туруктуу комиссиясына жүктөлсүн.