АК-СУУ АЙЫЛДЫК КЕҢЕШИ
ТОКТОМ
Ак-Суу айыл аймагынын айылдык кеңешинин IX чакырылышынын VII сессиясы
2025-жылдын 1-августундагы № 7/42
Айыл чарба багытындагы бош жаткан жер тилкесинин коммерциялык багытка которулушу жөнүндө
Кыргыз Республикасынын Жер кодекси жана жер пайдалануу боюнча мыйзамдарынын негизинде, жер адис Н.Акматовдун билдирүүсүн угуп жана Ак-Суу айыл аймагынын кызыкчылыктарын эске алуу менен, Ак-Суу айыл аймагынын айылдык кеңеш
ТОКТОМ КЫЛАТ:
- Айыл чарба багытындагы бош турган жер тилкеси (төмөнкүдөй маалыматтар менен):
№ | Жергиликтүү аталышы | Аянты (га) | Абалы |
1 | Эшме участкасы эски лагердин орду | 1,16 | Бош турган |
2 | Эшме участкасы (асфальт) жолдун жээги | 0,30 | Бош турган |
3 | Ак-Сай айылынын сайдын жээги | 0,10 | Бош турган |
4 | Эшме участкасы сайдын жээги | 0,30 | Бош турган |
- Учурдагы абалы: бош турган, пайдаланылбай жатат.Бул жер тилкелери коммерциялык багытка которулсун.
- Ак-Суу айыл өкмөтүнө төмөнкү милдеттер жүктөлсүн:
· Жердин пайдалануу багытын өзгөртүү боюнча тиешелүү мамлекеттик органдар
менен макулдашуу жүргүзүү;
· Жерди мамлекеттик каттоодон өткөрүү;
· Ижара шарттарын жана талаптарын коомчулук менен ачык талкуулоо;
· Аукцион өткөрүү жана ижара келишимдерин түзүү.
- Коммерциялык багыттагы жер тилкесин пайдалануу, ижарага берүү же сатуу Кыргыз Республикасынын мыйзамдарына ылайык жүргүзүлөт.
- Айыл өкмөтү жана жергиликтүү бийлик органдары бул токтомду жүзөгө ашырууну камсыз кылсын
- Ушул токтом Ак-Суу айыл аймагынын расмий веб-сайтына жарыялансын.
- Аталган токтомду расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү үчүн жиберүү жагы жооптуу катчы Ж.Жолдубай уулуна милдеттендирилсин.
- Бул токтомдун аткарылышын көзөмөлдөө жагы Ак-Суу айыл аймагынын айылдык кеңешинин агрардык, айыл чарба, өзгөчө кырдаалдар боюнча комиссиянын төрагасы К.Ашыралиевге жүктөлсүн.
Төрага М.Шаршеналы уулу