Тамеки заттарына минималдуу дүң-өткөрүүчү жана чекене бааларды белгилөө жөнүндө

Тамеки буюмдарын керектөөнү азайтуу, калктын ден соолугун чыңдоо максатында, «Кыргыз Республикасынын жарандарынын ден соолугун тамекини, никотинди керектөөнүн кесепеттеринен жана айланадагы тамеки түтүнүнүн жана аэрозолдун таасиринен коргоо жөнүндө» Кыргыз Республикасынын Мыйзамынын 12-беренесине, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Төмөнкүлөргө минималдуу дүң-өткөрүүчү жана чекене баалар белгиленсин:

1) папиростордон тышкары, ТЭИ ТН 2402 коду менен классификацияланган чыпкалуу сигареттерге, чыпкасыз сигареттерге жана сигариллаларга, төмөнкүдөй өлчөмдөрдө:

;

2) ТЭИ ТН 2404 коду менен классификацияланган цилиндр формасындагы ысытылуучу тамекиси бар заттарга (ысытылуучу тамеки таякчасы (стик), ысытылуучу тамекиси бар капсула), төмөнкүдөй өлчөмдөрдө:

.

2. Кыргыз Республикасынын Министрлер Кабинетинин 2024-жылдын 20-декабрындагы № 774 «Тамекиге жана никотин камтылган заттарга минималдуу дүң-чекене бааларды белгилөө жөнүндө» токтому күчүн жоготту деп таанылсын.

3. Бул токтом менен белгиленген минималдуу дүң-өткөрүүчү жана чекене баалардын сакталышын контролдоо Кыргыз Республикасынын Министрлер Кабинетине караштуу Мамлекеттик салык кызматына жүктөлсүн.

4. Бул токтом расмий жарыяланууга тийиш жана 2027-жылдын 1-январынан тартып күчүнө кирет.