ЖАҢЫ-ЖЕР АЙЫЛДЫК КЕҢЕШИ

ТОКТОМ

Жаңы-Жер айылдык кеңешинин VIII чакырылышынын V сессиясы

2026-жылдын 11-августу  № 45

Кыргыз Республикасынын Министрлер Кабинетинин 2025-жылдын 19-августундагы №502 «Кыргыз Республикасынын көрүстөндөрүндө көмүү жайларын брондоо тартибин бекитүү жөнүндө» токтомун айыл аймагында ишке ашыруу жөнүндө

          Кыргыз Республикасынын Министрлер Кабинетинин 2025-жылдын 19-августундагы №502 «Кыргыз Республикасынын көрүстөндөрүндө көмүү жайларын брондоо тартибин бекитүү жөнүндө» токтомунун 2-пунктун аткаруу, айыл аймагындагы көрүстөндөрдө көмүү жайларын брондоону уюштуруу, көрүстөндөрдү эсепке алууну жана натыйжалуу башкарууну камсыз кылуу максатында, Жаңы-Жер айылдык кеңеши токтом кылат:

1. Кыргыз Республикасынын Министрлер Кабинетинин 2025-жылдын 19-августундагы №502 «Кыргыз Республикасынын көрүстөндөрүндө көмүү жайларын брондоо тартибин бекитүү жөнүндө» токтому аткарууга алынсын.
2. Жаңы-Жер айыл  аймагындагы көрүстөндөрдө көмүү жайларын брондоо иштери Кыргыз Республикасынын Министрлер Кабинетинин №502 токтому менен бекитилген Кыргыз Республикасынын көрүстөндөрүндө көмүү жайларын брондоо тартибине ылайык жүргүзүлсүн.
3. Жаңы-Жер айыл өкмөтүнө төмөнкү милдеттер жүктөлсүн:

·          айыл аймагындагы көрүстөндөрдү эсепке алуу жана алардын актуалдуу тизмесин түзүү;

·         көрүстөндөрдүн схемасын (планын) тактоо;

·         бош жана брондолгон көмүү жайларын эсепке алууну уюштуруу;

·         көмүү жайларын брондоо боюнча жарандардын арыздарын кабыл алууну жана каттоону уюштуруу;

·         брондолгон көмүү жайлары боюнча өзүнчө реестр жүргүзүү;

·         бир эле көмүү жайынын кайрадан башка адамга брондолуп же берилүүсүнө жол бербөө;

·         көрүстөндөрдүн санитардык абалын жана көрктөндүрүлүшүн камсыз кылуу;

·         жарандарга көмүү жайларын брондоо тартиби боюнча түшүндүрүү иштерин жүргүзүү.

1. Көмүү жайларын брондоо боюнча документтерди кабыл алуу, каттоо жана тиешелүү маалыматтарды жүргүзүү үчүн айыл өкмөтүнүн жооптуу кызмат адамы аныкталсын.
2. Брондолгон көмүү жайлары боюнча маалыматтар Кыргыз Республикасынын Министрлер Кабинетинин №502 токтомунда белгиленген талаптарга ылайык жүргүзүлсүн.
3. Айыл аймагындагы көрүстөндөрдө көмүү жайларын брондоо учурунда санитардык, экологиялык, шаар куруу жана диний-маданий талаптардын сакталышы камсыз кылынсын.

1. Ушул токтомдун аткарылышын көзөмөлдөө айылдык кеңешинин Мыйзамдуулукту, укук тартибин сактоо, жарандардын укугун жана кызыкчылыгын коргоо, архитектура, курулуш, транспорт жана экология боюнча туруктуу комиссиясына тапшырылсын.

  Төрага:                                                                                                                 Ж.Мурадилов