ОРОЗБЕКОВ АЙЫЛДЫК КЕӉЕШИ

ТОКТОМ

Орозбеков айылдык кеӊешинин кезектеги XХ сессиясы

2026-жылдын 2-октябры № 54

V Элдик Курултайга делегаттарды шайлоо боюнча коомдоштуктарын  жыйынына өкүлдөрдү  көрсөтүү жана коомдоштуктардын  жыйынын өткөрүү  жөнүндө.

           Кыргыз Республикасынын “Элдик Курултай жөнүндө” конституциялык Мыйзамына, “Жергиликтүү мамлекеттик администрация жана жергиликтүү өз алдынча башкаруу органдары  жөнүндө” Кыргыз Республикасынын Мыйзамынын 61-беренесине жана Кыргыз Республикасынын Президентинин 2026-жылдын 3-сентябрындагы №309 “V Элдик Курултайды өткөрүү жөнүндө” Жарлыгына негиз,  Орозбеков айылдык кенештин сессиясы токтом кылат: 

        1. Коомдоштуктардын  жыйынын өкүлдөрү Орозбеков айыл аймагы боюнча жалпы саны 100 адам деп белгиленсин.

        2. Коомдоштуктардын жыйынын уюштуруу жана өткөрүү боюнча жумушчу топтун курамы 1-тиркемеге ылайык бекитилсин.

        3. Коомдоштуктардын жыйынына өкүлдөрдү шайлоо боюнча Орозбеков айыл аймагы 2- тиркемеге ылайык ченемдерге бөлүнсүн.

        4. Коомдоштуктардын жыйынына өкүлдөрдү шайлоо боюнча жумушчу тобунун календардык планында аныкталган мөөнөткө ылайык жарандардын жыйындарын жана чогулуштарын өткөрүү графиги жана алардан шайлануучу өкүлдөрдүн саны 3- тиркемге ылайык бекитилсин.

        5. Коомдоштуктардын жыйынын өкүлдөрүн шайлоо боюнча жыйындарды жана чогулуштарды өткөрүүгө жооптуу депутаттардын тизмеси 4-тиркемге ылайык бекитилсин.

        6. Орозбеков айыл өкмөтү коомдоштуктардын жыйынын өкүлдөрүн шайлоо боюнча жарандардын  жыйындары жана чогулуштары өтө  турган күнү, убактысы жана  жайы жөнүндө массалык маалымат каражаттары, соцтармактар жана башка булактар аркылуу жергиликтүү жамааттардын мүчөлөрүн кабардар кылсын.

        7. Жыйындар жана чогулуштар өтүүчү жайды аныктап тиешелүү жабдыктар менен камсыздоо Орозбеков айыл өкмөтүнө милдеттендирилсин.

        8. Коомдоштуктардын жыйыны 2026-жылдын 24-октябрь күнү саат 10-00 дө  Орозбеков айылындагы С. Тешеев атындагы жалпы билим берүүчү мектебинин  жыйындар залында өткөрүлсүн.

        9. Токтом Орозбеков  айыл өкмөтүнүн orozbekov.gov.kg расмий веб-сайтында жарыялансын.

        10. Айылдык  кеңештин жооптуу катчысы ушул токтомду каттоого алсын жана токтомдун көчүрмө тиркемелери менен бирге ченемдик укуктук актылар Мамлекеттик реестрине киргизүү үчүн Кыргыз Республикасынын Юстиция Министрлигинин Баткен  облустук башкармалыгына жөнөтүлсүн.

       11. Токтом Кыргыз Республикасынын ченемдик укуктук актыларынын Мамлекеттик  реестрине киргизилген күндөн тартып күчүнө кирет.

        12. Токтомдун аткарылышын көзөмөлдөө жагын өзүмө калтырамын.

Төрага                                                                                                             К. Каримов 

Орозбеков айылдык кеңешинин 02.10.2026-жылдагы кезектеги жыйырманчы сессиясынын №54  токтомуна 1-тиркеме

Орозбеков айыл аймагында V Элдик Курултайга делегаттарды шайлоо боюнча Коомдоштурктардын жыйынын уюштуруу жана өткөрүү боюнча жумушчу топтун курамы

Орозбеков айылдык кеңешинин 02.10.2026-жылдагы кезектеги жыйырманчы сессиясынын №54 токтомуна  2-тиркеме

Коомдоштурктардын жыйынына өкүлдөрдү шайлоо боюнча Орозбеков айыл аймагынын бөлүнүшү

Орозбеков айылдык кеңешинин 02.10.2026-жылдагы кезектеги жыйырманчы сессиясынын №54 токтомуна  3-тиркеме

Орозбеков айыл аймагында Коомдоштурктардын жыйынына өкүлдөрдү шайлоо боюнча жумушчу топтун чогулуштарын өткөрүү графиги.

Орозбеков айылдык кеңешинин 02.10.2026-жылдагы кезектеги жыйырманчы сессиясынын №54 токтомуна 4-тиркеме

Коомдоштурктардын жыйынына өкүлдөрдү шайлоо боюнча жарандардын жыйындарын жана чогулуштарын өткөрүүгө жооптуу Орозбеков айылдык кеңешинин депутаттарынын тизмеси