ДАТКА АЙЫЛ АЙМАГЫНЫН КЕӉЕШИ

ТОКТОМ

Датка айылдык аймак кеңешинин VIII чакырылышынын кезектеги 18-сессиясы

2026-жылдын 6-августу  №7/18

Датка айыл аймагында жүргүнчүлөрдү ташуунун баасын макулдашуу берүү жөнүндө

Кыргыз Республикасынын 2021-жыл 20-октябрындагы №123 «Жергиликтүү мамлекеттик администрация жана жергиликтүү өз алдынча башкаруу органдары жөнүндө» мыйзамынын “Жергиликтүү маанидеги маселелер” №27-беренесин жетекчиликке алып, Датка айыл аймагы боюнча жүргүнчүлөрдү ташуу менен алектенген чарбакер субъекттердин Ош облусунда күйүүчү-майлоочу материалдардын (дизель отуну) баасы кескин кымбатташына байланыштуу кайрылуусун карап чыгып, Датка айыл аймагынын айылдык кеңешинин (VIII чакырылышынын) кезектеги ХVIII сессиясы

Токтом кылат:

1. Датка айыл аймак боюнча бир жүргүнчүнүн ташуунун баасын 25 сом өлчөмүндө белгилөөгө макулдук берилсин;

2. Датка айыл аймагынын аймагы боюнча жүргүнчүлөрдү ташуу баасын бекитүү боюнча Кыргыз Республикасынын Президентинин Ош облусу боюнча ыйгарым укуктуу өкүлчүлүгүнөн суралсын;

3. Бул токтом кол койгондон тартып күчүнө кирет;

4. Бул токтомду Датка айыл аймагынын айыл өкмөтүнүн www.datka-kara-suu. gov.kg сайтында жарыялоо жагы Датка айыл аймагынын айылдык кеңешинин жооптуу катчысы К.Курбановко жүктөлсүн;

5. Бул токтомду Кыргыз Республикасынын Юстиция органынын каттоодон өткөрүү иштери Датка айыл аймагынын айылдык кеңешинин жооптуу катчысы К.Курбановко жүктөлсүн;

6. Бул токтомдун аткарылышын көзөмөлдөө жагы айылдык кеңештин социалдык-маданий, коммуналдык менчик, маалымдуулук, жаштардын иштери, бюджет жана финансы маселелер боюнча туруктуу комиссиясына жүктөлсүн