КЫРГЫЗ РЕСПУБЛИКАСЫНЫН ПРЕЗИДЕНТИНИН ТЕСКЕМЕСИ

2026-жылдын 2-октябры № 340

Кыргыз Республикасынын суу коопсуздугун камсыз кылуу, ирригация системаларын жакшыртуу боюнча маселени оперативдүү чечүү, Чүй өрөөнүнүн суу ресурстарын пайдалануунун натыйжалуулугун жогорулатуу жана чыпкалоого суунун жоготууларын кыскартуу максатында, «Мамлекеттик сатып алуулар жөнүндө» Кыргыз Республикасынын Мыйзамынын 17-беренесинин 3-бөлүгүнүн 13-пунктуна, Кыргыз Республикасынын Конституциясынын 71-беренесине ылайык:

1. Кыргыз Республикасынын Министрлер Кабинети үч айлык мөөнөттө Кыргыз Республикасынын Чүй облусунда эсептик чыгымы 145 м³/с болгон Айланма Чүй каналы–2 (лот 2) куруу үчүн берүүчүнү белгиленген тартипте аныктасын.

2. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.