Кыргыз Республикасынын Президентинин 2025-жылдын 16-сентябрындагы № 303 (Автомобиль жолдорун жана тротуарларды капиталдык оңдоо боюнча жумуштардын жана кызмат көрсөтүүлөрдүн заказчыларын жана берүүчүлөрүн (подрядчыларын) аныктоо тууралуу) тескемеси

КЫРГЫЗ РЕСПУБЛИКАСЫНЫН ПРЕЗИДЕНТИНИН ТЕСКЕМЕСИ

2025-жылдын 16-сентябры № 303

Автомобиль жолдорун жана тротуарларды капиталдык оңдоо маселелерин оперативдүү чечүү максатында, Кыргыз Республикасынын Конституциясынын 71-беренесине, "Мамлекеттик сатып алуулар жөнүндө" Кыргыз Республикасынын Мыйзамынын 17-беренесинин 3-бөлүгүнүн 13-пунктуна ылайык:

1. Кыргыз Республикасынын Министрлер Кабинети белгиленген тартипте Бишкек шаарынын төмөнкү көчөлөрүндө автомобиль жолдорун жана тротуарларды капиталдык оңдоо боюнча жумуштардын жана кызмат көрсөтүүлөрдүн заказчыларын жана берүүчүлөрүн (подрядчыларын) аныктасын:

- Достоевский көчөсү Шабдан Баатыр проспектинен Путепроводная көчөсүнө чейин;

- Мамлекеттик салык кызматынын Бишкек шаарынын Свердлов району боюнча башкармалыгынын жанындагы Безымянная көчөсүнө чыгыш тарабынан кирүү жолу;

- Менделеев көчөсү 7-апрель көчөсүнөн Путепроводная көчөсүнө чейин;

- Адыгине көчөсү Курултай көчөсүнөн Орто көчөсүнө чейин;

- Восточная көчөсү № 2/1 үйдөн Мостовая көчөсүнө чейин;

- Самойленко көчөсү Ы.Абдырахманов көчөсүнөн Гаражная көчөсүнө чейин;

- Гаражная көчөсү Самойленко көчөсүнөн Ч.Айтматов проспектине чейин;

- Мостовая көчөсү Ч.Айтматов проспектинен Самойленко көчөсүнө чейин;

- Кожомкулов көчөсү Самойленко көчөсүнөн 7-көчөгө чейин;

- Парк көчөсү Ы.Абдырахманов көчөсүнөн Кожомкулов көчөсүнө чейин;

- Азия көчөсү Магистраль көчөсүнөн Ы.Абдырахманов көчөсүнө чейин;

- Боз-Бөлтөк көчөсү Магистраль көчөсүнөн Ы.Абдырахманов көчөсүнө чейин.

2. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.