КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2026-жылдын 23-октябры № 807-т

«Кыргыз Республикасынын эл аралык келишимдери жөнүндө» Кыргыз Республикасынын Мыйзамынын 8-беренесине, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык:

1. Расмий тилде тиркелген (расмий эмес котормо) төмөнкү долбоорлор жактырылсын:

1) Кыргыз Республикасынын Министрлер Кабинети менен Япониянын Өкмөтүнүн ортосундагы Социалдык-экономикалык өнүктүрүү программасы боюнча алмашуу ноталары;

2) Кыргыз Республикасынын Министрлер Кабинети менен Япониянын Эл аралык кызматташтык агенттигинин ортосундагы Социалдык-экономикалык өнүктүрүү программасы боюнча гранттык макулдашуу.

2. Кыргыз Республикасынын финансы министрине бул тескеменин 1-пунктунда көрсөтүлгөн Алмашуу ноталарынын жана Гранттык макулдашуунун долбоорлоруна принциптүү эмес мүнөздөгү өзгөртүүлөрдү жана толуктоолорду киргизүү укугу менен Кыргыз Республикасынын Министрлер Кабинетинин атынан кол коюуга ыйгарым укук берилсин.