СУУ-БАШЫ АЙЫЛДЫК КЕӉЕШИ

ТОКТОМ

Суу-Башы айылдык Кеңештин VIII чакырылышынын кезектеги ХXV сессиясы

2026-жылдын 02-октябры № 168

Суу-Башы айыл аймагында жергиликтүү коомдоштуктардын жана жарандардын жыйындарын өткөрүүнү уюштуруу жөнүндө

        Кыргыз Республикасынын Президентинин 2026-жылдын 3-сентябрындагы  №309 “Кезектеги V Элдик Курултайды өткөрүү жөнүндө” Жарлыгын жана Кыргыз Республикасынын ”Жергиликтүү мамлекеттик администрация жана жергиликтүү өз алдынча башкаруу органдары жөнүндө”  Мыйзамынын негизинде, Баткен райондук мамлекеттик администрациясынын 2026-жылдын 29-сентябрындагы №01-25/2010 сандуу чыгыш катыны аткарууга алуу максатында Суу-Башы айыл аймагынын  айылдык кеңеши токтом кылат:

1. Суу-Башы айыл аймагынын V Элдик Курултайдын делегаттарын шайлоо боюнча жергиликтүү коомдоштуктардын жыйынын өткөрүү, Бужум айылдык маданият үйүнө 2026-жылдын 24-октябрь саат 10:00 гө  чакыртылсын.
2. Жарандардын жыйындарында делегаттардын  саны Бужум айылынан 47, Кара-Булак айылынан 16, Боз-Адыр айылынан 15, Кара-Токой айылынан 6, Айгул-Таш айылынан 2, Апкан айылынан 6, Бөжөй айылынан 4, Жаңы-Достук айылынан 4 жалпы 100 делегат болуп, жобого ылайык бекитилсин.
3. Суу-Башы айыл аймагынын жарандардын жыйындарын уюштуруу жана өткөрүү боюнча, жумушчу топтун курамы 19 (он тогуз) адамдан болуп бекитилсин.            (№1-тиркеме).
4. Жарандардын жыйындарында эл арасында делегат шайлоо боюнча жыйындар            2026-жылдын 8-октябрынан 16-октябрына чейин графикке ылайык өткөрүлсүн. (№2тиркеме).
5. Жарандардын жыйындарын протоколун, көрсөтүлгөн талапкерлердин тизмесин жумушчу топтун катчылыгына 2026-жылдын 20-октябрына чейин тапшырылсын.
6. Жарандардын  жыйындарын даярдоо, өткөрүү жана керектүү документтерди даярдап берүү жагы айыл өкмөт башчысына жана жумушчу топко милдеттендирилсин.
7. Жергиликтүү коомдоштуктун жыйынын уюштуруу жана өткөрүү жобого ылайык жергиликүү бюджеттин каражаттарынын эсебинен каржылансын.
8. Айылдык кеңешинин жооптуу катчысы токтомду каттоого алып, токтомдун көчүрмөсүн suu-bashy.gov.kg веб-сайтына жарыяласын жана Кыргыз Республикасынын ченемдик укуктук актыларынын мамлекеттик реестрине киргизүү үчүн Баткен облусунун юстиция башкармалыгына жөнөтүлсүн.
9. Ушул токтом Кыргыз Республикасынын ченемдик укуктук актыларын мамлекеттик реестрине киргизилген күндөн баштап күчүнө кирет.
10.  Ушул токтомдун аткарылышын көзөмөлдөө  жагын өзүмө калтырамын.

Төрага                                К.Шакиров

                    Тиркеме№1

Суу-Башы айыл аймагынын айылдык кеңешинин VIII чакырылышынын кезектеги XXV сессиясынын 02.10.2026-жылдагы №168 токтомуна тиркеме

Суу-Башы айыл аймагында жергиликтүү коомдоштуктардын жана жарандардын жыйындарын өткөрүүнү уюштуруу боюнча

жумушчу топтун курамы

Жооптуу катчы                                                                                    Р.Нурматова

                      Тиркеме№2

Суу-Башы айыл аймагынын айылдык кеңешинин VIII чакырылышынын кезектеги XXV сессиясынын 02.10.2026-жылдагы №168 токтомуна тиркеме

Суу-Башы айыл аймагынын жергиликтүү коомдоштуктардын жыйынына делегаттарды тандоо боюнча өткөрүлүүчү жарандардын жыйындарынын

                                                            ГРАФИГИ  

Жооптуу катчы                                                                                    Р.Нурматова