АК-МУЗ АЙЫЛДЫК КЕӉЕШИ

ТОКТОМ

2015-жылдын 29-апрели №27\2

 Ак-Муз айыл өкмөтүнүн мамлекеттик фондунун жерлерине аукцион өткөрүү жөнүндө

     Кыргыз Республикасынын Жогорку Кенешинин 2007-жылдын 29-июнундагы №1997-III токтому менен бекитилген «Айыл чарба жерлерин кайра бөлүштөрүү  фондусундагы жерлерди ижарага берүүнүн шарттары жана тартиби жөнүндө» типтүү жобосуна ылайык Ак-Муз айыл аймагынын айылдык Кещеши

ТОКТОМ КЫЛАТ:

1. Ак-Муз айылдык аймагынын  айыл чарбасына жарактуу жерлердин мамлекеттик фонду  жерлерине  2015-жылдын -апрелинде  боло турган аукционго төмөнкүдөй лоттордо түзүлсүн (тиркеме тиркелет):

2. Аукционду өткөрүү боюнча план-график  жана лотторго бөлүнүп түзүлгөн карта  тиркемеге ылайык бекитилсин;

3. Ар бир лот боюнча кепилдик төлөм 20% өлчөмдө жана ижарага  мөөнөтү 5 жылдык мөөнөткө бекитилсин;

4. Аукцион өткөрүүдө лоттор боюнча ар бир  кадам  100 сом  өлчөмүндө  бекитилсин;

5. Кассалык кириштөө жана чыгыштоо ордеринин  формалары,  аукционго катышууга кабыл алуу жана кабыл алуудан баш тартуу журналы  уюштурулсун;

6. Айыл чарба жарактуу  жерлердинин  мамлекеттик фондусунун жерлерине ижара акысын төлөө, ижара алуучу тарабынан экиге бөлүнүп өтүп жаткан жылдын май айына 40% жана өтүп жаткан жылдын октябрь айына карата 60% төлөнсүн; 

7. Ушул токтом айыл өкмөтүнүн аппаратынан каттоодон өткөрүлүп, www. ak-muz. kg веб- сайтына жарыялансын жана Кыргыз Республикасынын Ченемдик укуктук актыларынын мамлекеттик реестрине киргизүү үчүн Нарын облусунун юстиция башкармалыгына жөнөтүлсүн.

8. Бул токтомдун аткарылышын көзөмөлдөө жагы Ак-Муз айыл өкмөтүнүн башчысы А. Капатовго милдеттендирилсин.