КӨК-ЖАР АЙЫЛДЫК КЕӉЕШИ

ТОКТОМ

Көк-Жар айылдык Кеңешинин V чакырылышынын кезексиз XV сессиясы

2015-жылдын 16-апрели № 25-1

Көк-Жар айыл өкмөтүнүн 2015-жылдын 14-апрелиндеги “Көк-Жар айыл аймагынын Улуу-Тоо участкасындагы жайыт жеринен 26(жыйырма алты)га жер участкасын трансформациялоо жөнүндөгү” №115 катын кароо жөнүндө

“Кыргыз цемент” ЖЧКсынын Көк-Жар айыл аймагынын Улуу-Тоо участкасынан цемент иштеп чыгаруучу завод куруу үчүн 30 (отуз) га жер участкасын өндүрүштүк тармакка ажыратып берүү жөнүндөгү катын, “Кыргызмамжердолбоор” ишканасынын 2015-жылдын 14-апрелиндеги № 293 катындагы маалыматтарды, Түштүк аймактык топурак агрохимиялык лабараториясы тарабынан берилген 2015-жылдын 10-апрелиндеги №193 корутундуну жана ушул маселе боюнча Көк-Жар айыл өкмөтүнүн 2015-жылдын 14-апрелиндеги катын карап чыгып, Көк-Жар айылдык кеңеши

ТОКТОМ КЫЛАТ:

1. Көк-Жар айыл аймагынын Улуу-Тоо участкасынын жайыт жерлеринин “Кыргызмамжердолбоор” ишканасынын 2015-жылдын 14-апрелиндеги № 293 катында көрсөтүлгөн контурларынан 26 (жыйырма алты) га жер участкасын “Айыл чарба багытындагы жерлер” категориясынан “Өнөр жайдын,транспорттун,байланыштын,коргоонун жана башкалардын жерлери” категориясына которууга (трансформациялоого) макулдук берилсин.

2. Жогорудагы асылдуулугу төмөн деп табылган жайыт жерлеринин максаттуу багытын которууга (трансформациялоого) байланышкан тиешелүү иш кагаздарын даярдоо жагы айыл өкмөтүнө тапшырылсын.

3. Кыргыз Республикасынын “Жер участкаларын трансформациялоо жөнүндөгү” Мыйзамдарына ылайык Көк-Жар айыл аймагына караштуу Улуу-Тоо участкасынан 26(жыйырма алты) га асылдуулугу төмөн деп табылган жайыт жерин “Айыл чарба багытындагы жерлер” категориясынан “Өнөр жайдын,транспорттун,байланыштын,коргоонун жана башкалардын жерлери” категориясына которуп (трансформациялоо) берүү жагы Ноокат райондук мамлекеттик администрациясынан суралсын.

4. Ушул токтомдун мыйзамдуу аткарылышын көзөмөлдөө жагы айыл өкмөтүнүн алдындагы жер комиссиясына жүктөлсүн.