ОТУЗ-АДЫР АЙЫЛДЫК КЕӉЕШИ

ТОКТОМ

Отуз-Адыр айылдык кеңешинин IV чакырылышынын XXIV сессиясы

2015-жылдын 27-марты № 9

Отуз-Адыр айылынын айланасынан жеке менчик турак-жай куруу үчүн берилүүчү жер тилкелери жөнүндө

Айыл аймагынын тургундарына жеке  менчик турак-жай куруу үчүн  жер тилкелерин бөлүп берүү маселелерин  кароо  боюнча  айыл  өкмөтүнүн  комиссиясынын 2015 -жылдын «20 »февралындагы  чогулушунун протоколун жетекчиликке  алып, комиссиянын  айылдык кеңештин  атына  жазган арызын  карап  чыгып  айылдык  кеңеш

ТОКТОМ КЫЛАТ:

1. Жеке менчик турак-жай куруу үчүн келип түшкөн  арыздардын  көбөйгөндүгүнө, калктуу  конуш  фондунун  жери  азайгандыгына  байланыштуу  2015-жылдын 01-январынан  баштап Отуз-Адыр  айылынын  айланасынан жеке  менчик  турак-жай куруу  үчүн  берилүүчү жер тилкелери  0.04га  өлчөмүндө  бекитилсин. 2015-жылдын 01-январынан  баштап Отуз-Адыр айылынын айланасына жеке  менчик  турак-жай  куруу үчүн чыккан токтомдордо 0.04 га өлчөмү  белгиленсин.

2. Айыл  аймагынын  башка  айылдарынан  жеке  менчик  турак-жай  куруу  үчүн берилүүчү  жер  тилкелеринин  өлчөмү  өзгөртүүсүз  калтырылсын.

3. Ушул маселеде  айыл  аймагынын   калкына түшүндүрүү  иштери  жүргүзүлсүн.

4. Ушул  токтомдун  аткарылышын  камсыз кылуу  Отуз-Адыр  айыл  өкмөтүнө жүктөлсүн. (Базибай  уулу  Асанбек)

5. Жогорудагы токтомдун аткарылышын көзөмөлгө алуу айылдык кеңештин агрардык маселелер боюнча туруктуу комиссиясына тапшырылсын. (С.Атамбиев)