ОШ ШААРДЫК КЕӉЕШИ

ТОКТОМ

2009-жылдын 8-октябры № 130

Жергиликтүү бюджеттен кошумча акча каражатын бөлүп берүү жөнүндө

Депутаттардын Ош шаардык Кеңешине, Ош шаардык мэриясынан, Ош шаарынын атуулдарынан жана мекеме-уюмдардан келген жергиликтүү бюджеттен кошумча акча каражаттарын бөлүп берүү жөнүндөгү каттарын карап жана талкулап, шаардык Кеңештин  бюджет, экономика жана каржы маселелери боюнча туруктуу депутаттык комиссиясынын 2009-жылдын 15-июлундагы №15, 2009-жылдын 17-августундагы №16, 2009-жылдын 18-сентябрындагы №17-токтомдорунун жана 2009-жылдын 6-октябрындагы 18-токтомдорунун  негизинде, ошондой эле сессияда чыгып сүйлөгөн депутаттардын ой-пикирлерин эске алуу менен депутаттардын Ош шаардык Кеңешинин кезектеги сессиясы

ТОКТОМ КЫЛАТ:

1. Жергиликтүү бюджеттин эсебинен шаардык Кеңештин  бюджет, экономика жана каржы маселелери боюнча туруктуу депутаттык комиссиясынын 2009-жылдын 15-июлундагы  отурумунун №15-токтомунун негизинде 50,0 миң сом өлчөмүндө, 2009-жылдын 27-августундагы отурумунун №16-токтомунун негизинде

7 миллион 161041 сом, 2009-жылдын 18-сентябрындагы отурумунун № 17-токтомунун негизинде 12 миллион 516714 сом жана 2009-жылдын 6-октябрындагы отурумунун № 18- токтомунун негизинде 1 миллион 830 миң 72 сом акча каражатын   бөлүп берүүгө макулдук берилсин. 

2. Сулайман-Ата аймактык Кеңешинин Ленин көчөсүн газдаштырууга бөлүнгөн 130,0 миң сом акча каражатын Ленин, Алебастров жана 8-март атындагы көчөлөрүн оңдоо үчүн жумшоого уруксат берилсин.

3. Ош шаардык мэриясына (М.Мырзакматов) депутаттардын Ош шаардык Кеңеши менен биргеликте Ош шаарынын № 9-Амир-Темур аймактык Кеңешинин аймагында  өрт өчүрүүчү бөлүмдү ачуу жана кармоого кетүүчү  936333 сом акча каражатын Кыргыз Республикасынын Өзгөчө кырдаалдар Министрлигинин  2010- жылдагы бюджетине киргизүү маселеси боюнча аталган министрликке  кайрылуусу милдеттендирилсин.

4. Бул токтомдун аткарылышын көзөмөлдөө шаардык Кеңештин  бюджет, экономика жана каржы маселелери боюнча туруктуу депутаттык комиссиясына (У.Примов) жүктөлсүн.