ОШ ШААРДЫК КЕӉЕШИ

ТОКТОМ

ДЕПУТАТТАРДЫН ОШ ШААРДЫК КЕңЕШИНИН КЕЗЕКСИЗ XVIII СЕССИЯСЫ (II чакырылышы)

2010-жылдын 5-февралы № 153

Ош шаарынын 2009-жылдын жыйынтыгы менен Ош шаарынын социалдык-экономикалык өнүгүү жана калкты социалдык жактан коргоо  программасынын аткарылышы боюнча Ош шаарынын мэринин отчетун угуу жөнүндө

Депутаттардын Ош шаардык Кеңешинин 2010-жылга кабыл алынган планына ылайык Ош шаарынын 2009-жылдын жыйынтыгы менен Ош шаарынын социалдык-экономикалык өнүгүү жана калкты социалдык жактан коргоо программасынын аткарылышы боюнча Ош шаарынын мэринин отчетун карап жана бюджет, экономика жана каржы маселелери боюнча туруктуу депутаттык комиссиясынын отурумунун 2010-жылдын 2-февралындагы №3-токтомунун негизинде, ошондой эле сессияда чыгып сүйлөгөн депутаттардын ой-пикирлерин эске алуу менен депутаттардын Ош шаардык Кеңешинин кезексиз XVIII сессиясы

ТОКТОМ КЫЛАТ:

1. Ош шаарынын 2009-жылдын жыйынтыгы менен Ош шаарынын социалдык-экономикалык өнүгүү жана калкты социалдык жактан коргоо программасынын аткарылышы боюнча Ош шаарынын мэринин отчету канаатандырарлык деп табылсын.

2. Ош шаарынын 2010-2012-жылдарга социалдык-экономикалык болжолдуу өнүгүүсүнүн жана калкты социалдык жактан коргоо концепциясы бекитилсин.

3. Ош шаарынын мэриясына (М. Мырзакматов):

- Ош шаарынын 2010-жылга карата кабыл алынган жергиликтүү бюджеттин киреше бөлүгүн так аткаруулусун, планда каралган салыктардын бардык түрлөрүн толук көлөмдө түшүүсүн камсыздоо жана киреше бөлүгүн жогорулатуу;

- болгон ресурстарды, кубаттуулуктарды жана өндүрүштүн резервдерин колдонуу менен 2010-жылга карата бекитилген социалдык -экономикалык өнүгүүнүн божомол көрсөткүчтөрүн аткаруу;

- ишкер чөйрөсүнө жагымдуу шарт түзүү менен жаңы  иш орундарын ачуу жана алардын жергиликтүү бюджетке болгон салымын жогорулатуу;

- жергиликтүү бюджеттин киреше бөлүгүн толтурууда салымы чоң ири ишканалардын "Алтын-Алко", "Алтын-Кол", "Сымбат" акционердик коомдорунун ишин жандандыруу;

- шаардын муниципалдык менчиктеги обьектерди тактап, алардан жергилктүү бюджетке түшүүчү арендалык төлөмдөрүнүн толук өлчөмдө түшүүсүн;

- шаардын генералдык планын иштеп чыгууну аяктоо жана анын негизинде шаардагы жүрүп жаткан курулуштарды тартипке келтирүү;

- шаардын капиталдык курулуш программасына каралган социалдык маанидеги обьектилерди жана шаардын инфраструктурасын жакшыртуу максатындагы долбоорлорду жергиликтүү бюджеттен толук өлчөмдө каржылоо;

- Ош шаарынын энергетикалык коопсуздугун камсыздоо максатында калктын электр жана жылуулук энергиясына  болгон карызын азайтуу боюнча тиешелүү мекемелер менен иш-чараларды иштеп чыгуу;

- шаардын экологиялык коопсуздугуна коркунуч туудурган маселелерди иликтеп, аны жоюу боюнча иш алып баруу;  

- СПИД оорусуна каршы шаардын алкагында иш-чара кабыл алуу жана ал маселени каржылоо жагын чечүү;

- шаардын мектептериндеги окуучулар арасындагы рекет кылмыштуулугун азайтуу жана болтурбоо боюнча иш чараларды кабыл алып, анын аткарылуусун камсыздоо жагы милдеттендирилсин.

4. Аталган маселелер боюнча 2010-жылдын 9 айынын жыйынтыгы менен депутаттардын Ош шаардык Кеңешине  жазуу жүзүндө маалымат берүүсү милдеттендирилсин.

5. Бул токтомдун аткарылышын көзөмөлдөө депутаттардын Ош шаардык Кеңешинин тиешелүү туруктуу депутаттык комиссияларына тапшырылсын.