ОШ ШААРДЫК КЕӉЕШИ

ТОКТОМ

2010-жыл 20-июнь № 179

Республикалык бюджеттин эсебинен бөлүнгөн акча каражатын бөлүштүрүү жөнүндө

Ош шаарынын мэриясынын 2010-жылдын 20-июнундагы №237/08-6-Убактылуу Өкмөт тарабынан республикалык бюджеттин эсебинен бөлүнгөн 10,0 млн.сом акча каражатын бөлүштүрүүнү бекитип берүү жөнүндөгү катын карап жана талкуулап, ошондой эле сессияда айтылган депутаттардын ой-пикирлерин, сунуштарын эске алып, депутаттардын Ош шаардык Кеӊеши

ТОКТОМ  КЫЛАТ:

1. Кыргыз Республикасынын Убактылуу Өкмөтү тарабынан республикалык бюджеттин эсебинен бөлүнгөн 10,0 млн.сом акча каражаты төмөндөгүдөй бөлүштүрүлүп, бекитилсин:

- Муниципалдык автоунаа ишканасына - 3,0 млн.сом;

- Суу чарба ишканасына - 2,0 млн.сом;

- Залалсыздандыруу ишканасына - 0,420 млн.сом;

- Жашылдандыруу жана көрктөндүрүү ишканасына - 2,0 млн.сом;

- Атайын автоунаа ишканасына - 2,0 млн.сом;

- Мэриянын автогаражына - 0,530 млн.сом;

- "ЭлТР" компаниясына - 0,050 млн.сом.

2. Бул токтомдун аткарылышын көзөмөлдөө депутаттардын Ош шаардык Кеӊешинин бюджет, экономика жана каржы маселелери боюнча туруктуу депутаттык комиссиясына (У.Примов) жүктөлсүн.