БАЛЫКЧЫ ШААРДЫК КЕӉЕШИ

ТОКТОМ

БАЛЫКЧЫ ШААРДЫК КЕҢЕШИНИН XXV ЧАКЫРЫЛЫШЫНЫН XVI СЕССИЯСЫ

2010-жылдын 21-декабры №2

Балыкчы шаарындагы бала-бакчалардын мүчөлүк акысын кайра карап берүү жөнүндө

Балыкчы шаардык Кеӊешине шаардык билим берүү бөлүмүнүн башчысы М.Кулова өтүнүч кат менен кайрылган: азыркы учурда балдардын тамактануусуна керектөөлүчү тамак-аш, азык-түлүктөр күндөн күнгө кымбаттагандан улам ата-энелерден алынган мүчөлүк акы жетишпейт. Ошондон улам баардык бакчаларда чогулуштар өткөзүлүп ата-энелерден алынган мүчөлүк акыны көтөрүү маселеси айтылып макулдашылган.

Балыкчы шаардык Кеӊеши коюлган маселени ар тараптан карап жана талкуулап

ТОКТОМ КЫЛАТ:

1.    Балыкчы шаарынын билим берүү бөлүмүнүн жана шаардын бала-бакчаларынын ата-энелерден алынуучу мүчөлүук айлык акысын көбөйтүү боюнча сунушу эске алынсын жана 2011жылдын 1 январынан баштап, айлык мүчөлүк акысынын көлөмү 500 сом өлчөмүндө бекитилсин.

2.    XXIV чакырылышынын XXXIV сессиясында кабыл алынган № 9 токтомдун күчү жоготулсун деп эсептелинсин.

3.    Токтом Ысык-Көл областтык Адилет башкармалыгынан катоодон өткөрүү жагы сунушталсын.

4.    Токтомдун аткарылышын көзөмөлдөө жагы шаардык Кенештин социалдык өнүгүү жана укук коргоо маселелери боюнча депутаттык туруктуу комиссияга жүктөлсүн.