Токмок шаардык кеңешинин 2014-жылдын 5-мартындагы № 84/12-3 токтомуна ылайык КҮЧҮН ЖОГОТТУ

ТОКМОК ШААРДЫК КЕӉЕШИ

ТОКТОМ

Токмок шаардык кеңешинин III чакырылышынын IV сессиясы

2012-жылдын 12-июну №9/4-3

Токмок щаарындагы жүргүнчүлөрдү коомдук унаалар менен ташуу боюнча коюлган тариф жөнүндө

Токмок шаарында жүргүнчүлөрдү ташууну жүргүзүүчү транспорт унаалары үзгүлтүксүз, туруктуу иштешин камсыздоо үчүн, жүргүнчүлөргө тейлөөнү камсыздап жаткан «Токмок ПАТП» ААК, «БМ Азия» ЖЧК, «Мегатранс» ЖЧК жетекчилеринин жана айдоочуларынын өтүнүч катын эске алып, өнөр жай, курулуш, архитектура, транспорт жана коммуналдык турак жай кызматтары боюнча туруктуу депутаттык комиссиясынын отурумунун чечиминин негизинде жана Токмок шаарынын мэриясынын жүргүнчүлөрдү ташууну уюштуруу жана мониторинги боюнча жумушчу комиссиясынын жыйынтыгынын негизинде, Кыргыз Республикасынын «Жергиликтүү өз алдынча башкаруу жөнүндөгү», «Жергиликтүү Кенештердин депутаттарынын статусу жөнүндөгү» Мыйзамдарын жетекчилике алып

ТОКТОМ КЫЛАТ:

1. Токмок шаарында 2012-жылдын 1-июлунан баштап коомдук жүргүнчүлөрдү ташууну уюштуруу унасында жүргүнчүлөрдү ташууга кийинки тарифтер бекитилсин:

1 адамга жол кире – 8 (сегиз) сом.

1 пенсионерге, жалпы оорулардын майыптарына, окуучуларга (окуу жылында) күбөлүктөрүн көрсөткөндө – 5 (беш) сомдон.

Саат кечки 19-00 дон 22-00 го чейин бир адамды ташуу – 10 сом.

2. «Токмок ПАТП» ААК, «БМ Азия» ЖЧК, «Мегатранс» ЖЧК жетекчилери тарифти Кыргыз Республикасынын экономика Министирлигине караштуу антимонополиялык жөнгө салуу комитети менен макулдашылсын.

3. Токмок шаардык Кеңешинин 21.05.10 ж. №184/32-2 токтомунун 1п. күчүн жоготту деп саналсын.

4. Ушул токтомдун аткарылышын көзөмөлдөө өнөр жай, курулуш, архитектура, транспорт жана коммуналдык турак жай кызматтары боюнча туруктуу депутаттык комиссиясына жүктөлсүн.