(Чолпон –Ата шаардык кеңешинин 2020-жылдын 9-декабрындагы № 29/30-4 токтомуна ылайык күчүн жоготту)

ЧОЛПОН-АТА ШААРДЫК КЕӉЕШИ

ТОКТОМ

Чолпон-Ата шаардык кеңешинин  XXVII чакырылышынын XXXVII кезексиз сессиясы

2012-жылдын 4-октябры №27/37-2

Чолпон-Ата шаарынын «Ардактуу атуулу жөнүндө» жобосун бекитүү боюнча

Чолпон-Ата шаарынын Ардактуу атуул наамын ыйгаруу боюнча Чолпон-Ата шаарынын тургундарынан жана коомчулуктан түшкөн арыздарды карап чыгып, Кыргыз Республикасынын Конституциясын, Мыйзамдарын, Кыргыз Республикасынын Президентинин Указдарын, токтомдорун  ишке колдонуу  менен Чолпон-Ата шаардык кенеши

ТОКТОМ КЫЛАТ:

1. Чолпон-Ата шаарынын «Ардактуу атуул» жөнүндө Жобосу бекитилсин (тиркеме тиркелет).

2.Токтом Чолпон-Ата шаардык кеңешинин реестрине катталсын.

3.Чолпон-Ата шаардык кеңешинин башкы адиси Э.Абдылдаев Ысык- Көл областтык юстиция башкармалыгынан каттодон өтүү үчүн керектүү документтерди даярдоо жагы тапшырылсын.

4. Ушул токтомдо көрсөтүлгөн маалыматтардын, ошондой эле мамлекеттик кайра каттоо үчүн тапшырылган документтердеги маалыматтардын анык экендиги жана, мыйзамда белгиленген учурларда, каттоо маселелери жергиликтүү өз алдынча башкаруу органдары менен макулдашылсын.

5. Токтом массалык маалымат каражаттарына жарыялансын.

6. Токтом кабыл алынган күндөн баштап күчүнө кирет.

7. Токтомду көзөмөлдөө жагы Чолпон-Ата шаарынын «Ардактуу атуул» наамын ыйгаруу боюнча комиссиясына жүктөлсүн.

 Чолпон-Ата шаарынын «Ардактуу атуул» жөнүндөгү ЖОБОСУ

I. Жалпы жобосу

1. Шаардын социалдык-экономикалык жактан өсүп өнүгүшүнө чоң салым кошуп, элдин алдында эмгеги сиъген, улуттар аралык ынтымакты, достукту чындаган авторитеттүү адамдарга Чолпон-Ата шаарынын «Ардактуу атуулу» наамы ыйгарылат.

2. «Ардактуу атуул» наамы эң бийик наам болуп эсептелгендиктен , жергиликтүү жамааттардын уставына ылайык Чолпон-Ата шаардык кеңешинин жана Чолпон-Ата шаарынын мэриясынын чечимдери менен берилет.

Чолпон-Ата шаарынын «Ардактуу атуул» наамы жөнүндө сунуш «Ардактуу атуул» наамын берүү боюнча түзүлгөн комиссия аркылуу каралат жана III-кварталда эл депутаттарынын шаардык кеңешинде бекитилет.

3. Комисия өз ишинде Кыргыз Республикасынын Конституциясын, Мыйзамдарын, Президенттин Указдарын, өкмөттүн токтомдорун, Чолпон-Ата шаардык кеңешинин чечимдерин жана ушул жобону жетекчиликке алып иштейт.

4. Чолпон-Ата шаарынын «Ардактуу атуул» наамын ыйгаруу жөнүндө сунуштарын көрсөтүп алышат:

-шаардык кеңеш; -Чолпон-Ата шаарынын мэриясы;

-эмгек коллективдери;

-коомдук уюмдар;

Сунуш кат, ходатайство, кайрылуу түрүндө тийиштүү документтери менен Чолпом-Ата шаардык кеңешине берилгенден кийин, наам ыйгаруу боюнча комиссиясында каралат.

5. Комиссиянын отуруму сунуштардын түшүшүн карап, бирок жарым жылда бир гана карайт. Комиссиянын чечимдери протокол түрүндө жазылып , Чолпон-Ата шаарынын «Ардактуу атуул» наамын ыйгаруу үчүн шаардык кеңештин сессиясынын кароосуна киргизет.

6. Комиссия, түшкөн сунуштар жөнүндө материалдарды терең изилдеп бүткөндөн кийин, наамды ыйгаруу же болбосо ыйгарбоо жөнүндө бүтүмүн чыгарат. Өзүнүн чечимдеринин жыйынтыктары жөнүндө арыз ээлерине билдирет, ал эми шаардык кеңеш сессияда карагандан кийин, наам ыйгаруу жөнүндөгү чечим, массалык-маалымат каражаттарында жарыяланат.Чечимде ал адамдын шаар үчүн сиңирген эмгеги баяндалып, атайын номер менен катталат.

7. Чолпон-Ата шаарынын «Ардактуу атуул» наамы Кыргыз Республикасынын жарандарына жана чет өлкөлө жарандарга өзүнчө жана өмүр бою берилет.

8. Чолпон-Ата шаарынын «Ардактуу атуул» наамын алган адамдарга атайын белгиленген үлгүдө жасалган төш белги жана күбөлүк Чолпон-Ата шаардык кеңешинин төрагасы жана Чолпон-Ата шаарынын мэри аркылуу майрамдык маанайда тапшырылат.

9. Ардактуу атуул дар «Чолпон-Ата шаарынын «Ардактуу атуул» китебине жазылат жана Чолпон-Ата шаардык кеңешинде сакталат.

10. Чолпон-Ата шаарынын «Ардактуу атуул» наамын алган жарандарга Чолпон-Ата шаарынын мэриясы аркылуу бир жолку 1000 (миң) сом өлчөмүндөгү стипендия берилет.

11. Чолпон-Ата шаарынын «Ардактуу атуул» наамы кылмыш жасагандыгы үчүн соттуулугу бар, анысы мыйзамда белгиленген тартипте жоюлбаган жана алына элек жарандарга ыйгарылбайт. Эгерде «Ардактуу атуул» наамын алган жаранга кылмыш иши козголсо, комиссия анын наамын алуу жөнүндө сунуш берет.

 II. Чолпон-Ата шаарынын «Ардактуу атуул» наамын тапшыруунун тартиби жана негиздери

12. Чолпон-Ата шаарынын «Ардактуу атуул» наамын тапшыруунун негиз болуп;

-Чолпон-Ата шаарынын мекеме-ишканаларында 20 жылдан кем эмес эмгек сиңирип, өзүнүн иштери менен элдерге белгилүү, мамлекеттик сыйлыктарга ээ болгондор;

- төш белгилер менен сыйлангандар;

- грамоталар(мэриянын, райондун, областтын, Кыргыз Республикасынын өкмөтүнүн);

- шаар үчүн атайын эрдик көрсөткөндүргү;

- эл аралык дэъгээлде илимий-изилдөө, билим берүүдө, маданиятта, спортто жана коомдук иштерде өзүн көрсөткөн жарандарга;

- Шаардын социалдык-экономикалык жактан өсүп өнүгүшүнө чоң салым кошуп, элдин алдында эмгеги сиңген, улуттар аралык ынтымакты, достукту чындаган авторитеттүү адамдарга;

- Эл аралык алака-катнаштарда, коомдук-саясий жактан, тышкы-экономикалык, маданий, инвестиция жана инновациондук технологиялар жактан зор салым кошкон чет элдик жарандарга.

13. Чолпон-Ата шаарынын «Ардактуу атуул» наамын алган жарандар :

- Чолпон-Ата шаардык кеңеши, Чолпон-Ата шаарынын мэриясы тарабынан шаардагы боло турган мамлекеттик маанидеги майрамдардын иш-чараларына, шаардын күнүн белгилүү майрамдарына жана башка маанилүү иш-чараларга катышууга укуктуу;

- Чолпон-Ата шаарынын коомдук иштерине активдүү катышуу;