КЫЗЫЛ-ТУУ АЙЫЛДЫК КЕӉЕШИ

ТОКТОМ

Кызыл-Туу айылдык кеңешинин кезектеги жыйырма тогузунчу сессиясы

2017-жылдын 16-февралы № 1

2016-жылда аткарылган иштер жөнүндө отчету жана айыл аймакты 2017-2022-жылдарда өнүктүрүүнүн стратегиялык планы жөнүндө

Кыргыз Республикасынын “Жергиликтүү өз алдынча башкаруу жөнүндө” мыйзамынын 31-беренесиндеги 2-бөлүмүнүн 3-6-пункттарын негиздеп, өкмөт башчы А.Асановдун 2016-жылдагы аткарылган иштер жөнүндө отчеттун, айыл өкмөтүнүн соцкоргоо боюнча башкы адиси А.Сулаймановдун баяндамасындагы 2017-2022-жылдарда айыл аймакты өнүктүрүүнү пландаштырган стратегиялык планын угуп, талкуулап Кызыл-Туу айылдык кеңешинин сессиясы

ТОКТОМ КЫЛАТ:

1. Кызыл-Туу айыл аймагынын өкмөт башчысы А.Асановдун 2016-жылдагы аткарылган иштери канааттандыраарлык деп табылсын.

2. 2017-2022-жылдарда Кызыл-Туу айыл аймагын социалдык-экономикалык жактан өнүктүрүү боюнча стратегиялык планынын түзүү айыл өкмөтүнүн соцкоргоо боюнча башкы адиси А.Сулаймановго милдеттендирилсин.

3. Социалдык-экономикалык өнүгүү планын ишке ашырып аткаруу жагы тиешелүү адистерге жана өкмөт башчы А.Асановго милдеттендирилсин.

4. Токтомдун аткарылышына көзөмөл жүргүзүү жагы айылдык кеңештин социалдык жана экономикалык маселелер боюнча туруктуу комиссияларына тапшырылсын.